ខេត្តពោធិ៍សាត់៖ កម្លាំងនគរបាលក្រុងពោធិ៍សាត់ ចុះឃាត់ខ្លួនមុខសញ្ញាប្រើប្រាស់សារធាតុញៀន ៣នាក់ នៅក្នុងហាងយីហោ មីនីក្លឹបស្លាមាស យកមកធ្វើតេស្ដទឹកនោម ។
កាលពីវេលាម៉ោង១០ និង១៥នាទីយប់ថ្ងៃទី៨ ខែធ្នូ ឆ្នាំ២០១៥ ត្រង់ចំណុចជាប់សារៈមន្ទីរខេត្តពោធិ៍សាត់ ស្ថិតក្នុងភូមិពាលញែក១ សង្កាត់ផ្ទះព្រៃ ក្រុង-ខេត្តពោធិ៍សាត់ ។
កម្លាំងនគរបាលក្រុងពោធិ៍សាត់ បានឱ្យដឹងថា ជនត្រូវឃាត់ទាំង ៣នាក់ទី១-ឈ្មោះ កែវ សម្បត្តិ ភេទប្រុស អាយុ ១៦ឆ្នាំ រស់នៅភូមិ-សង្កាត់កើតហេតុ ទី២-ឈ្មោះ សុះ បញ្ញា ភេទប្រុស អាយុ ១៤ឆ្នាំ និងទី៣-ឈ្មោះ សក់ សម្បត្តិ ភេទប្រុស អាយុ១៦ឆ្នាំ អ្នកទាំងពីររស់នៅភូមិក្បាលហុង សង្កាត់ផ្ទះព្រៃ ក្រុង-ខេត្តពោធិ៍សាត់ ។
ប្រភពខាងលើនេះបន្តទៀតថា លទ្ធផលការធ្វើតេស្ដទឹកនោមវិជ្ជមាន (+) មានសារធាតុញៀននៅក្នុងខ្លួនទាំងអស់គ្នា ហើយសមត្ថកិច្ចនគរបាលក្រុងកំពុងកសាងសំណុំរឿងបញ្ជូនខ្លួនពួកគេទៅស្នងការដ្ឋាននគរបាលខេត្តពោធិ៍សាត់ ដើម្បីបន្ដតាមនីតិវិធីនៅរសៀលថ្ងៃទី០៩ ខែធ្នូ ឆ្នាំ២០១៥នេះ ៕
ដោយ៖ ប៉ឹម ពិន
