ខេត្តកំពង់ស្ពឺ៖ មុខសញ្ញាចែកចាយគ្រឿងញៀនដ៏សកម្មម្នាក់ត្រូវបានកម្លាំងកងរាជឣាវុធហត្ថធ្វើការឃាត់ខ្លួនពេលកំពុងចែកចាយថ្នាំញៀនព្រមទាំងដកហូតថ្នាំញៀនបាន៨កញ្ចប់ និងសម្ភារៈមួយចំនួន ។ ការឃាត់ខ្លួននេះធ្វើឡើងកាលពីវេលាម៉ោង១៧យប់ថ្ងៃទី៨ ខែធ្នូ ឆ្នាំ២០១៥ នៅចំណុចភូមិទី6 ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។

លោកឣនុសេនីយ៍ឯក ទិត្យ វណ្ណៈ ប្រធានមន្ទីរយុត្តិធម៌បានឣោយដឹងថាដោយមានការបញ្ជាផ្ទាល់ពីលោកឧត្តមសេនីយ៍ត្រី ជូ សារុន មេបញ្ជាការ អ-ហ ខេត្តកំពង់ស្ពឺ និងបានការអនុញ្ញាតិពីលោក កែវ សុធា ព្រះរាជអាជ្ញាដឹកនាំកម្លាំងដោយលោកវរសេនីយ៍ឯក សៅ ពន្លឺ មេបញ្ជាការ រងទទួលការងារយុត្តិធម៌ បានឃាត់ខ្លួនជនសង្ស័យ ០១នាក់ឈ្មោះ ម៉េង សេងហ៊ុយ ហៅស្នា ភេទប្រុស អាយុ23ឆ្នាំមុខរបរមិនពិតប្រាកដ មានទីលំនៅភូមិឃុំខាងលើ ពីបទជួញដូរ និងចែកចាយគ្រឿងញៀន និងប្រើប្រាស់សម្លៀកបំពាក់យោធាខុសច្បាប់ ។

ក្នុងការឃាត់ខ្លួននេះកម្លាំងរបស់លោកបានដកហូតសម្ភារៈ និងវត្ថុតាងមួយចំនួនរួមមាន៖ ១-ថ្នាំម៉ាទឹកកកចំនួន ០៨កព្ចាប់តូច, ២-ស្បែកជើងយោធា ១គូរ, ៣-មួកប៉ារ៉ា០១, ៤-សាន់ណារ៉ុង០១, ៥-កាបូបប៉ារ៉ា០១​, ៦-អាវប៉ារ៉ា០២  ខោប៉ារ៉ា០១, ៧-ទូយោ ០៤ ដែកកេះ ០២, ៨-កន្រ្តៃ០១ ថង់ច្រកថ្នាំ២០, ៩-ទូរសព្ទ័ ០៣គ្រឿង កាបូប ០១, ១០-លុយខ្មែរ 78,000រៀល ។

លោកប្រធានមន្ទីរបានបន្តថា បច្ចុប្បន្នជនសង្ស័យនឹងវត្ថុតាងរួមសម្ភារះទាំងអស់បានបញ្ជូនមកទីបញ្ជាការ អ-ហខេត្តកំពង់ស្ពឺ ដើម្បីចាត់ការទៅតាមនីតិវិធី ៕

ដោយ៖ សេនាស័ក្តិ