ទីក្រុងហាណូយ៖ កាលពី៥០ឆ្នាំមុន រដ្ឋធានីហាណូយរងការបំផ្លាញដោយសារតែការទម្លាក់គ្រាប់ពីយន្តហោះ B-52 របស់អាមេរិក ។ ប៉ុន្តែពេលនេះហាណូយបានក្លាយជាម្ចាស់ផ្ទះរៀបចំកិច្ចប្រជុំកំពូលស្តីពីសន្តិភាព អាមេរិកកូរ៉េខាងជើង ។
នៅថ្ងៃទី២៧ខែកុម្ភៈ សារព័ត៌មាន CNN បានផ្សព្វផ្សាយនៅអត្ថបទវិភាគមួយស្តីពីដំណើរឆ្ពោះទៅមុខនៃរដ្ឋធានីហាណូយ ពីសង្គ្រាមបំផ្លាញដោយអាមេរិក តែពេលនេះរដ្ឋាភិបាលទីក្រុងហាណូយ បានចាប់ដៃ បង្កើនទំនាក់ទំនងមិត្តភាពសហប្រតិបត្តិការណ៍លើគ្រប់វិស័យ។ កត្តាទាំងនោះហើយ ទើបទីក្រុងហាណូយ បានក្លាយទៅជាគំរូ និងសន្តិភាពនឹងកិច្ចសហប្រតិបត្តិការស័ក្តិសមជាម្ចាស់ផ្ទះសម្រាប់ជំនួបកំពូល របស់ប្រទេសមហាអំណាធំៗលើពិភពលោក។
កាលពីជាងកន្លះសតវត្សរ៍មុន យន្តហោះទម្លាក់គ្រាប់ B-52 របស់អាមេរិក បានទម្លាក់«ភ្លៀងគ្រាប់បែក» ជាច្រើនទៅលើរដ្ឋធានី ហាណូយក្នុងសង្គ្រាមវៀតណាម ។ចាប់ពីថ្ងៃទី១៨ខែ ធ្នូ ឆ្នាំ១៩៧២យន្តហោះទម្លាក់គ្រាប់យុទ្ធសាស្ត្រ B-52 របស់អាមេរិក បានហោះហើរពីអាកាសយានដ្ឋានយោធា U-Tapao ប្រទេសថៃ និងទីតាំងយោធានៅ Andersen លើកោះ Guam ឆ្ពោះទៅកាន់ប្រទេសវៀតណាម បើកប្រតិបត្តិការទម្លាក់គ្រាប់បែកទ្រង់ទ្រាយធំបំផុត មិនធ្លាប់មាន ក្នុងប្រវត្តិសាស្ត្រ។
ការទម្លាក់គ្រាប់បែក អូសបន្លាយដល់ទៅ១២យប់ថ្ងៃ ប៉ុន្តែមិនទទួលបានជោគជ័យនោះឡើយ បើទោះបីអាមេរិក មានកម្លាំងទាហានច្រើន និងអាវុធទំនើបៗក្តី ។ក្នុងរយៈពេល១២ថ្ងៃយប់នោះ កម្លាំងទាហានអាកាសអាមេរិក បានទម្លាក់គ្រប់រហូតដល់ទៅ៧០០ លើក ពីយន្តហោះ B-52 និងគ្រាប់បែក ១៥ពាន់តោន បានទម្លាក់ចុះរដ្ឋធានីហាណូយ បណ្តាលឲ្យមនុស្សជាង១៣០០នាក់ស្លាប់
ប៉ុន្តែនៅថ្ងៃនេះ ទីក្រុងដែល ប្រធានាធិបតីអាមេរិកបានបញ្ជារឲ្យទម្លាក់គ្រាប់ បែជា ម្ចាស់ផ្ទះស្វាគមន៍ប្រធានាធិបតីអាមេរិក យ៉ាងកក់ក្តៅនិងជិតស្និតបំផុត និងជាទីកន្លែង សម្រាប់ដោះស្រាយវិបត្តិនៅលើពិភពលោក ក្នុងការស្វែងរកសន្តិភាព។
ទីក្រុងហាណូយ កាលពីឆ្នាំ១៩៥៤ មានទំហំតែ ១៥២គីឡូម៉ែត្រ និងពលរដ្ឋ ៥៣ពាន់នាក់ តែប៉ុណ្ណោះ ។តែពេលនេះរដ្ឋធានីហាណូយបាន ទំហំដីដល់ទៅ ជាង៣ពាន់គីឡូម៉ែត្រក្រឡា និងពលរដ្ឋ ជាង ៧លាននាក់រស់នៅ ។ អាគារខ្ពស់ៗជាច្រើន បានផុះឡើងទូទាំងទីក្រុងហាណូយ បានលុបបំបាត់នៅស្លាក់ស្នាម រណ្តៅនៃ ការទម្លាក់គ្រាប់បែក កាលពីជាង ៥០ឆ្នាំមុន។
តាមសារព័ត៌មាន CNN បានផ្សាយា ការរីកចំរើនចាប់តាំងពីបញ្ចប់សង្គ្រាមរហូតមកទល់ពេលនេះ និងការផ្លាសប្តូរទម្រង់សេដ្ឋកិច្ច ជាហេតុផលជួយឲ្យទីក្រុងហាណូយ ជាជំរើសរបស់ប្រធានាធិបតីដូណាលត្រាំ សម្រាប់ពិភាក្សាស្តីពីសន្តិភាពជាមួយមេដឹកនាំកូរ៉េខាងជើង ។ អាមេរិក មានចេតនា ជ្រើសរើសវៀតណាម សម្រាប់ធ្វើជាគំរូដល់កូរ៉េខាងជើង ឲ្យងាកពីការប្រឈមមុខដាក់គ្នាទៅជាមហាមិត្តយ៉ាងជិតស្និតបំផុត ។
ចំពោះទីក្រុងវ៉ាស៊ីនតោន វៀតណាម ជាភស្តុតាងបង្ហាញឲ្យឃើញថា ការចង់គំនុំមិនអាចស្ថិតស្ថេរបានឡើយ ហើយពេលនេះបានប្រែក្លាយជាមិត្ត។ទាំងនោះជាភស្តុតាងស្តីពីការកែទម្រង់សេដ្ឋកិច្ច នាំមកនៅ ភាពរុងរឿងជូនពលរដ្ឋ ដែលធ្លាប់រងទុកលំបាក់ ក្នុងសម័យសង្គ្រាម។
នៅក្នុងជំនួបពិភាក្សាលើកនេះ អាមេរិក និង កូរ៉េខាងជើង ប្រាកដជាមិនអាចមើលឃើញនូវស្លាកស្នាមនៃសង្គ្រាម វៀតណាមឡើយ ក្នុងទីក្រុងហាណូយ ទាំងនោះជាការចង់បានរបស់មេដឹកនាំទាំងពីរ ហើយសង្ឃឹមថា កូរ៉េខាងជើង និងដើរតាមកន្លងរបស់វៀតណាម ឆ្ពោះទៅកាន់ទំនាក់ទំនងមិត្តភាពសហប្រតិបត្តិការណ៍យ៉ាងជិតស្និតបំផុត។
ប្រធានាធិបតីអាមេរិកលោក ដូណាល់ ត្រាំ បានបង្ហោះសារនាថ្ងៃទី២៧ខែកុម្ភៈនេះថា កូរ៉េខាងជើងនឹងមានឱកាស ទទួលបានការរីកចម្រើនដូចជាប្រទេសវៀតណាមដែរ ប្រសិនបើលោក គីម ជុងអ៊ុន គោរពតាមពាក្យសន្យានៃការបោះបង់ចោលអាវុធនុយក្លេអ៊ែរ។
ការបង្ហោះសារនេះធ្វើឡើងនៅមុនពេលដែល លោក ដូណាល់ ត្រាំ ត្រូវជួបមុខគ្នាបើកឆាកក្នុងជំនួបកំពូលលើកទីពីរ នៅក្រុងហាណូយនាល្ងាចថ្ងៃពុធនេះ ជាមួយមេដឹកនាំកូរ៉េខាងជើងលោក គីម ជុងអ៊ុន។ លោក ត្រាំ បាននិយាយដូច្នេះថា «ប្រទេសវៀតណាមកំពុងតែរីកចម្រើន ដូចទៅនឹងកន្លែងមួយចំនួនតូចប៉ុណ្ណោះនៅលើផែនដី។ កូរ៉េខាងជើងនឹងអាចដូចគ្នាហើយលឿនមែនទែន ប្រសិនបើបោះបង់ចោលនុយក្លេអ៊ែរ។ វាគឺជាសក្តានុពល និងឱកាសដ៏កម្រអស្ចារ្យមួយសម្រាប់លោក គីម ជុងអ៊ុន ប៉ុន្តែយើងនឹងដឹងច្បាស់ក្នុងពេលឆាប់ៗនេះ»។
គួរជម្រាបថា ក្រោយមកដល់រដ្ឋធានីហាណូយ នៃប្រទេសវៀតណាមកាលពីយប់ថ្ងៃអង្គារ លោក ត្រាំ នឹងចាប់ផ្តើមបើកកិច្ចប្រជុំកំពូលលើកទីពីររបស់លោកជាមួយលោក គីម នាល្ងាចថ្ងៃពុធនេះ តាមរយៈការជួបសន្ទនាមួយទល់មួយរយៈពេល ២០នាទី និងការទទួលទានអាហារជាមួយគ្នា ដែលមានរយៈពេលជាង ០១ម៉ោងកន្លះ ហើយមេដឹកនាំទាំងពីរនឹងជួបគ្នាម្តងទៀតនៅថ្ងៃស្អែក៕
ដោយ៖ មែវ សាធី
