ខេត្ដស្វាយរៀង៖ នគរបាលការិយា ល័យអន្ដោប្រវេសន៍នៃស្នងការដ្ឋាននគរ បាលខេត្ដស្វាយរៀងបានចាប់ខ្លួនជនជាតិ វៀតណាមចំនួន១៥នាក់ប្រគល់ឱ្យនគរ បាលវៀតណាមបញ្ជូនទៅស្រុកកំណើត វិញ ខណៈពលរដ្ឋវៀតណាមខាងលើនេះ បានចូលមកធ្វើការងារនៅក្នុងប្រទេស កម្ពុជាដោយពុំមានច្បាប់ទម្លាប់ ។
ការចាប់បញ្ជូនជនជាតិចូលមកធ្វើ ការងារគ្មានច្បាប់ទម្លាប់នេះសមត្ថកិច្ច បានធ្វើឡើងកាលពីព្រឹកថ្ងៃទី៩ ខែធ្នូ ឆ្នាំ ២០១៥ នៅចំណុចផ្សារព្រៃវល្លិ៍ ជាប់ ព្រំដែនកម្ពុជា-វៀតណាម ស្ថិតក្នុងភូមិ- ឃុំថ្មី ស្រុកកំពង់រោទ៍ ។
នគរបាលអន្ដោប្រវេសន៍នៃស្នងការ ដ្ឋាននគរបាលខេត្ដបានឱ្យដឹងថា មុនការ ចាប់បញ្ជូនជនជាតិវៀតណាមខាងលើ នេះកម្លាំងសមត្ថកិច្ចបានចុះស្រាវជ្រាវ អស់រយៈពេលជាច្រើនថ្ងៃមកហើយៗ ទើបសម្រេចចុះពិនិត្យរដ្ឋបាលដើម្បី ឃាត់ខ្លួនជនជាតិវៀតណាមទាំងនេះ ប្រគល់ឱ្យនគរបាលវៀតណាមបញ្ជូនទៅ ស្រុកកំណើតរបស់ពួកគេវិញ ។
មន្ដ្រីដដែលបញ្ជាក់ថា ជនជាតិវៀត ណាម៦នាក់បានមកប្រកបមុខរបរជា ជាងសំណង់ អ្នកមកប្រកបមុខរបររកស៊ី លក់ដូរ៥នាក់ និងអ្នកចេញចូលដឹកទំនិញ ចុះឡើង៤នាក់ ដែលក្នុងចំនួនប្រជាពល រដ្ឋវៀតណាមនេះមានស្រី៦នាក់ ។
មន្ដ្រីនគរបាលដដែលបានបន្ដថា ការចេញចូលរបស់បងប្អូនប្រជាពលរដ្ឋ វៀតណាមមករកស៊ីនៅក្នុងប្រទេស កម្ពុជាសមត្ថកិច្ចបានផ្ដើមមានការរឹត បន្ដឹង ហើយបើពុំមានលិខិតឆ្លងដែនបោះ ត្រាចេញចូលត្រឹមត្រូវនោះទេ សមត្ថ កិច្ចនឹងចាប់បញ្ជូនពួកគេទៅស្រុក កំណើតវិញ ។ កន្លងទៅថ្មីៗនេះសមត្ថ កិច្ចនគរបាលការិយាល័យអន្ដោប្រវេសន៍ ក៏បានចាប់បញ្ជូនពលរដ្ឋវៀតណាម ដែលមករកស៊ី និងស្នាក់នៅក្នុងប្រទេស កម្ពុជាបញ្ជូនទៅឱ្យអាជ្ញាធរវៀតណាម វិញផងដែរ ៕
ដោយ៖ យឹម សុថាន
