ខេត្តស្វាយរៀង៖នៅថ្ងៃទី១០ ខែមីនា ឆ្នាំ២០១៩ វេលាម៉ោង៣ទៀបភ្លឺ នេះ មានករណីគ្រោះថ្នាក់ចរាចរណ៍ដ៏រន្ធត់មួយ ដោយរថយន្តកុងតឺន័របុកចូលផ្ទះប្រជាពលរដ្ឋបណ្តាលឱ្យមនុស្ស៣នាក់បានស្លាប់យ៉ាងអាណោចអាធ័ម និង ម្នាក់ទៀតរងរបួសធ្ងន់ ។
ករណីនេះ កើតឡើងនៅចំណុចភូមិត្របែកប្រហោង ឃុំតាសួស ស្រុកស្វាយជ្រំ ខេត្តស្វាយរៀង ។ នេះបេីយោងតាមរបាយការណ៍បឋមពីស្នងការដ្ឋាននគរបាលខេត្តស្វាយរៀង ដែលទេីបទទួលបាន ។
របាយការណ៍ដដែល បន្តថា រថយន្តកុងតឺន័រម៉ាកហ៊ីយ៉ាន់ដាយ ពាក់ផ្លាកលេខភ្នំពេញ 3C-1851 បុកចូលផ្ទះប្រជាពលរដ្ឋ ដែលទំនងកេីតឡេីងមកពីការងងុយគេងខ្លាំង និង ក្នុងស្ថានភាពងងឹត ។
ពេលនេះ សមត្ថកិច្ចកំពុងបន្តនីតិវិធី លេីករណីនេះ ។ សូមបេីកបរដោយប្រុងប្រយ័ត្ន មិនត្រូវបេីកបរក្នុងស្ថានភាពងងុយគេងខ្លាំងឡើយ ៕ចេស្តា
