ភ្នំពេញ៖បុរស២នាក់របួសធ្ងន់ស្រាលត្រូវបានដឹកតាមរថយន្តយកទៅសង្គ្រោះភ្លាមៗខណៈរថយន្តមួយគ្រឿងបើកបត់មិនមានការប្រុងប្រយ័ត្នត្រូវរ៉ឺម៉កបុកពេញទំហឹងបណ្តាលអោយរងរបួសធ្ងន់និងស្រាលទាំង២នាក់។

ហេតុការណ៍នេះបានកើតឡើងកាលពីវេលាម៉ោង៣នឹង៣៥នាទីទាបភ្លឺឈានចូលថ្ងៃទី១១ខែមិនាឆ្នាំ២០១៩តាមបណ្តោយផ្លូវជាតិលេខ៥នៅចំណុចគីឡូម៉ែតលេខ៩ស្ថិតនៅក្នុងសង្កាត់ច្រាំងចំរេះ១ខណ្ឌឬស្សីកែវ។

តាមប្រភពពត៌មានពីសាក្សីដែលឃើញហេតុការណ៍
បានអោយដឹងថាមុនពេលកើតហេតុគេបានឃើញ
បុរស៣នាក់បើករថយន្តមួយគ្រឿងម៉ាកតូយូតាព្រូស
ពណ៌ឈាមជ្រូកមិនចាំស្លាកលេខបើកបរតាមបណ្តោយផ្លូវជាតិលេខ៥ក្នុងទិសដៅពីត្បូងទៅជើងខណៈបើកមកដល់ចំណុចកើតហេតុខាងលើស្រាប់តែរថយន្តបត់ត្រឡប់ក្រោយស្របពេលម៉ូតូរុីម៉កមួយគ្រឿងពាក់ស្លាក
លេខភ្នំពេញ1AD3977បើកបរតាមបណ្តោយផ្លូវជាតិលេខ៥ក្នុងទិសដៅស្របទិសគ្នាអកហ្សើចាប់ហ្វ្រាំងមិនទាន់ក៏ជ្រុលបុកចំក្បាលរថយន្តពេញទំហឹងបណ្តាលអោយរងការខូចខាតខ្ទេចអស់មួយចំហៀងខាងមុខផ្នែកខាងឆ្វេងនឹងរងរបួសធ្ងន់ម្នាក់សម្លប់ស្តូកស្តឹងនៅនឹងកន្លែងកើតហេតុរីឯម្នាក់ទៀតរងរបួសស្រាលចំណែករុីម៉កខូចខាតតិចតួចភ្លាមៗនោះដែររថយន្តសង្គ្រោះរបស់គ្លីនិកឯកជនហុងហាក់បានមកដល់ដឹកយកជនរងគ្រោះយកទៅសង្គ្រោះផងដែរ។

ក្រោយពេលកើតហេតុម៉ូតូនឹងរថយន្តត្រូវបានសមត្ថកិច្ចធ្វើការវាសវែងស្ទូចយកទៅរក្សាទុកនៅការិយាល័យចរាចរណ៍ផ្លូវគោករងចាំដោះស្រាយគ្នានៅពេលក្រោយ៕ធឿនព្រែកជ័យ