ភ្នំពេញ៖​ មានហេតុការណ៍គ្រោះអគ្គីភ័យឆាបឆេះផ្ទះរបស់ប្រជាពលរដ្ឋអស់ចំនួន២ខ្នងនឹងបន្ទប់កម្មករស្នាក់នៅមួយកន្លែងបានរថយន្តពន្លត់អគ្គីភ័យចេញមកជួយអន្តរាគមន៍បានទាន់ពេល។

ហេតុការណ៍នេះបានកើតឡើងកាលពីវេលាម៉ោង៣នឹង២០នាទីទាបភ្លឺឈានចូលថ្ងៃទី១១ខែមិនាឆ្នាំ២០១៩តាមបណ្តោយផ្លូវបេតុងនៅចំណុចក្រុម៧ភូមិលូសង្កាត់ស្វាយប៉ាកខណ្ឌឬស្សីកែវ។

តាមប្រភពព័ត៌មានពីសមត្ថកិច្ចបានអោយដឹងថាមុនពេលកើតហេតុមានប្រជាពលរដ្ឋបានរាយការណ៍ប្រាប់សមត្ថកិច្ចមានករណីអគ្គីភ័យកំពុងតែឆាបឆេះផ្ទះប្រជាពលរដ្ឋជនជាតិវៀតណាមអស់២ខ្នងរួមថែមទាំងរាលដាលដល់បន្ទប់ជួលកម្មកចំនួនមួយបន្ទប់អស់ទាំងស្រុងសំណាងល្អមិនមានអ្នករងរបួសភ្លាមៗនោះដែរសមត្ថកិច្ចប៉ុស្តិ៍ស្វាយប៉ាកចុះមកដល់កន្លែងកើតហេតុនិងបានហៅរថយន្តពន្លត់អគ្គីភ័យមកជួយអន្តរាគមន៍បាញ់ពន្លត់បានទាន់ពេលវេលាផងដែរ។

ក្នងករណីគ្រោះអគ្គីភ័យនោះដែរសមត្ថកិច្ចប្រាប់ថាប្រើប្រាស់រថយន្តពន្លត់អស់៥គ្រឿងទំហំនៃការខូចខាតគិតជាប្រាក់សរុបជាទឹកប្រាក់ចំនួន53000$រួមនឹងឆេះខូចខាតម៉ូតូសង់កូរ៉េអស់មួយគ្រឿងផងដែរ។

គួររំលឹកផងដែរថាអគ្គីភ័យខាងលើនេះត្រូវបានរលត់អស់ទាំងស្រុងនៅវេលាម៉ោង៣នឹង៤០នាទីទាបភ្លឺថ្ងៃដ៏ដែលហើយខាងសមត្ថកិច្ចពុំទាន់ដឹងអំពីមូលហេតុដែលបណ្តាលអោយមានអគ្គីភ័យឆាបឆេះនៅឡើយទេ៕ធឿនព្រែកជ័យ