ខេត្តសៀមរាប ​៖ ស្រ្ដីម្នាក់ត្រូវរថយន្ដបើកកិចស្លាប់ នៅនិងកន្លែង ហេតុការណ៍នេះបានកើតឡើងកាលពីវេលាម៉ោង១និង១៧នាទីថ្ងៃទី ១០ ខែមករា ឆ្នាំ២០១៩ នៅលើកំណាត់ផ្លូវជាតិលេខ ០៦ ស្ថិតនៅក្នុងភូមិ អូរតាប្រាក់ ឃុំពួកស្រុកពួក ខេត្តសៀមរាប។

បើតាមសាក្សីនៅកន្លែងកើតហេតុបានអោយដឹងថា រថយន្ដនិងម៉ូតូ ធ្វើដំណើរក្នុងទិសដៅស្របទិសគ្នាពីកើតទៅ លិច មកដល់កន្លែងកើតហេតុ ម៉ូតូបានបត់ស្ដាំបណ្ដាលអោយរថយន្ដ ម៉ាកISUZUពាក់លាកលេខ 3A1758 បើកពីក្រោយបុកអ្នកជិះម៉ូតូ ឈ្មោះ សាន សាមឿយ ភេទស្រី អាយុ ៣២ឆ្នាំ រស់នៅភូមិ គៅកថ្មី ខុំពួក ស្រុកពួក ខេត្តសៀមរាប បានជីះម៉ូតូម៉ាកហុងដាទ្រីម C១២៥សេរី ២០០៧ ពណ៍ខ្មៅពាក់ផ្លាក់លេខ ១A9427 ពេញទំហឹង បណ្ដាលអោយ ស្លាប់ភ្លាមៗនៅកន្លែងកើតហេតុ ។

ប្រភពបានបន្ដថា ក្រោយកើតហេតុអ្នកបើកបររថយន្ដឃើញសភាពមិនស្រួល ក៏ដាក់មេព្រួស រត់បាតស្រមោល ដោយមិនស្គាល់អត្តសញ្ញាណ។

 ក្រោយកើតហេតុសមត្ថកិច្ចបានចុះវាស់វែងធ្វើកំនត់ហេតុ ប្រមូលវត្ថុតាង យកទៅរក្សាទុក  ចំណែកសាកសពប្រគល់អោយសាច់ញាតិក្រុកគ្រួសារចាត់ចែងធ្វើបុណ្យតាមប្រពៃណី ៕ ប៊ុនរិទ្ធី