ភ្នំពេញ៖ នៅព្រឹកថ្ងៃទី១១ ខែធ្នូ ឆ្នាំ២០១៥ កម្លាំងនគរបាលផ្នែកព្រហ្មទណ្ឌ នៃអធិការដ្ឋាននគរ បាលខណ្ឌដង្កោ បានធ្វើការដឹកបញ្ចូនជនសង្ស័យ ១០នាក់ ដែលករណីវាយប្លន់ម៉ូតូប្រជាពលរដ្ឋក្នុងរាជធានី-ខេត្ត រួមទាំងសម្ភារៈធ្វើសកម្មភាពមួយចំនួនទៀត ទៅកាន់សាលាដំបូងរាជធានីភ្នំពេញ ដើម្បីផ្តន្ទាទោសតាមផ្លូវច្បាប់។
ជនសង្ស័យទាំង១០នាក់ ដែលត្រូវបញ្ចូនទៅកាន់សាលាដំបូងរាជធានីភ្នំពេញនោះមានឈ្មោះ ទី១.ឈ្មោះ ធឿន រ៉ាវី ហៅ រ៉ា ហៅ រិទ្ធ ភេទប្រុស អាយុ២៩ឆ្នាំ មុខរបរមិនពិតប្រាកដ ស្នាក់នៅភូមិសាមគ្គីទី២ សង្កាត់ត្រពាំងក្រសាំង ខណ្ឌពោធិ៍សែនជ័យ ទី២.ឈ្មោះ នី និត ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅផ្ទះជួលម្ដុំកា្ដន់២ សង្កាត់មិត្តភាព ខណ្ឌ៧មករា ទី៣.ឈ្មោះ សួង សុខនាង ភេទស្រី អាយុ២២ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិព្រៃព្រឹង សង្កាត់ចោមចៅ ខណ្ឌពោធិ៍សែនជ័យ ។ ទី៤.ឈ្មោះ រឿង សុវណ្ណ ហៅភើ្លង ភេទប្រុស អាយុ៣៤ឆ្នាំ មុខរបរមិនពិតប្រាកដ ស្នាក់នៅផ្ទះជួលភូមិចំរើនផល សង្កាត់បឹងទំពុន ខណ្ឌមានជ័យ ។ ទី៥.ឈ្មោះ ស៊ុន តឹកឡាយ ហៅគឹម ភេទប្រុស អាយុ២៦ឆ្នាំ មុខរបរមិនពិតប្រាកដ ទីលំនៅមិនពិតប្រាកដ ស្រុកកំណើត ភូមិចារ ឃុំចារ ស្រុកព្រែកកប្បាស ខេត្តតាកែវ។ ទី៦.ឈ្មោះ គីង គឹមស៊ន ហៅ វ៉េវ ភេទប្រុស អាយុ៣១ឆ្នាំ មុខរបរមិនពិតប្រាកដ ស្នាក់នៅផ្ទះជួលក្បែរផែស្ងួតតេងឡាយ សង្កាត់ចោមចៅ ខណ្ឌពោធិ៍សែនជ័យ ។ ទី៧.ឈ្មោះ វណ្ណ ដារ៉េត ភេទស្រី អាយុ២៩ឆ្នាំ មុខរបរមិនពិតប្រាកដ ទីលំនៅភូមិព្រះពោធិ៍ ឃុំភ្នំបាទ ស្រុកពញាឮ ខេត្តកណ្តាល។ ទី៨.ឈ្មោះ មឿន គន្ធា ហៅ ចន្ថា ភេទស្រី អាយុ៣៣ឆ្នាំ មុខរបរមិនពិតប្រាកដ ទីលំនៅភូមិវត្តថ្មី ឃុំព្រែកដំបង ស្រុកមុខកំពូល ខេត្តកណ្តាល។ ទី៩.ឈ្មោះ រិន បូរិទ្ធ ហៅ រិទ្ធ ភេទប្រុស អាយុ២៣ឆ្នាំ មុខរបរមិនពិតប្រាកដ ទីលំនៅផ្ទះជួលភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ។ ទី១០.ឈ្មោះ ឆឹង ពិដោរ ភេទប្រុស អាយុ៣៧ឆ្នាំ មុខរបរមិនពិតប្រាកដ ទីលំនៅផ្ទះជួលភូមិជម្ពូវន្ត័ សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌ពីសមត្ថកិច្ចបានប្រាប់ឲ្យដឹងថា ជនសង្ស័យធ្លាប់ធ្វើសម្មកភាព វាយប្លន់យកម៉ូតូកន្លងមក គឺចាប់ពីថ្ងៃទី១៦ ខែតុលា ឆ្នាំ២០១៥ នៅសង្កាត់ពន់សាំង ខណ្ឌព្រែកព្នៅ បានធ្វើសកម្មភាពវាយប្លន់ម៉ូតូ បណ្តាលអោយជនរងគ្រោះស្លាប់ ១នាក់ និងបានធ្វើសកម្មភាពយ៉ាងសកម្មនៅក្នុងរាជធានីភ្នំពេញ និងខេត្ត ចំនួន ១២លើក ក្នុងនោះមានៈខណ្ឌដង្កោ ៣លើក ,ខណ្ឌព្រែកព្នៅ ៣លើក (ជនរងគ្រោះស្លាប់ ១នាក់),ខណ្ឌពោធិ៍សែនជ័យ ៣លើក (ជនរងរបួសធ្ងន់ ១នាក់),ខណ្ឌជ្រោយចង្វារ ១លើក (ជនរងគ្រោះស្លាប់០១នាក់), និងខេត្តកំពង់ចាម ២លើក (ជនរងគ្រោះរបួសធ្ងន់១នាក់)។
ដោយឡែកនាថ្ងៃទី៦ ខែធ្នូ ឆ្នាំ២០១៥ ជនសង្ស័យចំនួន៣នាក់ (ស្រី១នាក់) បានរៀបចំគំរោងប្លន់ម៉ូតូឌុប ដោយអោយជនសង្ស័យ ១នាក់ (ស្រី) ជាអ្នកហៅម៉ូតូឌុបជិះមកផ្លូវ៣០ម៉ែត្រ ភូមិព្រៃទីទុយសង្កាត់ព្រៃស ខណ្ឌដង្កោ រាជធានីភ្នំពេញ ចំណែកជនសង្ស័យ០២នាក់ (ប្រុស) កាន់ម៉ាឡេតរុំអាវយឺតខ្មៅ ជិះម៉ូតូ ១គ្រឿង នៅរង់ចាំ ដើម្បីធ្វើសកម្មភាព តែត្រូវកម្លាំងនគរបាលប៉ុស្តិ៍ ល្បាតឃើញជនសង្ស័យ ហៅត្រួតពិនិត្យ និងឃាត់ខ្លួនជនសង្ស័យទាំង០៣នាក់ មកធ្វើការសាកសួរ ទើបឈានដល់ការស្រាវជ្រាវឃាត់ខ្លួនជនសង្ស័យជាបន្តបន្ទាប់បានចំនួន ៧នាក់ (ស្រី២នាក់) បន្ថែមទៀត រួមមានខណ្ឌពោធិ៍សែនជ័យ ឃាត់ខ្លួន ៤នាក់ (ប្រុស) ដកហូត ម៉ូតូ ២គ្រឿង ខណ្ឌទួលគោក ឃាត់ខ្លួន ១នាក់ (ប្រុស) ដកហូត ម៉ូតូ ៤គ្រឿង និងខេត្តកណ្តាល ឃាត់ខ្លួន ២នាក់ (ស្រី) ។
សមត្ថកិច្ចប្រាប់បញ្ជាក់ឲ្យដឹងថា ដោយមានការដឹកនាំ ចង្អុលបង្ហាញ និងការដាក់ចុះនូវផែនការ-វិធានការសំខាន់ៗ របស់ថ្នាក់ដឹកនាំក្រសួងមហាផ្ទៃ ជាពិសេសការអនុវត្តន៍លើវិធានការបង្ការ និងបង្ក្រាបបទល្មើស របស់លោកឧត្តមសេនីយ៍ឯកអគ្គស្នងការរង និងជាស្នងការនគរបាលរាជធានីភ្នំពេញ និងក្រោមការដឹកនាំរបស់គណបញ្ជាការឯកភាពខណ្ឌដង្កោ ដោយមានការដឹកនាំបញ្ជាផ្ទាល់ពីលោកវរសេនីយ៍ទោ ជឹម ស៊ីថា អធិការខណ្ឌដង្កោ សហការជាមួយកម្លាំងនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ ទើបឈានដល់ការបង្ក្រាបមុខ សញ្ញាវាយប្លន់យកម៉ូតូដ៏សកម្មទាំង ១០នាក់ និងដកហូត ម៉ូតូចំនួន ៧គ្រឿង និងសម្ភារៈបង្កបទល្មើសមួយចំនួនបនទៀត ៕
ដោយ៖ ភារ៉ា ដង្កោ
