ខេត្តត្បូងឃ្មំុ៖ ជនសង្ស័យចំនួន២នាក់ត្រូវបានសមត្ថកិច្ចចម្រុះស្រុកមេមត់ឃាត់ខ្លួនពីបទជួញដូរ រក្សាទុក ដឹកជញ្ជូននូវសារធាតុញៀន ។ហេតុការណ៍ចាប់ឃាត់ខ្លួននេះបានធ្វើឡើងកាលពីវេលាម៉ោង១ និង២៥នាទីរសៀលថ្ងៃទី១០ ខែធ្នូ ឆ្នាំ២០១៥ នៅចំណុចលើផ្លូវជាតិលេខ7 ក្នុងភូមិចង្គុំស្ពាន ឃុំទន្លូង ស្រុកមេមត់ ខេត្តត្បូងឃ្មុំ ។

លោកវរសេនីយ៍ត្រី​ ហុង  គីមហឿន អធិការនគរ​បាលស្រុកមេមត់បានបញ្ជាក់ឱ្យដឹងថា នៅមុនពេលកើតហេតុកម្លាំងសមត្ថកិច្ចចម្រុះបានចុះត្រួតពិនិត្យ ឆែកឆេរអាវុធជាតិផ្ទុះ​​នៅចំណុចកើតហេតុខាងលើបានត្រួតពិនិត្យលើខ្លួនមុខសញ្ញាជនសង្ស័យចំនួន២នាក់ ទី១ឈ្មោះ អៀន ឫទ្ធី ភេទប្រុស អាយុ១៩ឆ្នាំនៅភូមិក្តុលផ្សារ ឃុំទន្លូង ស្រុកមេមត់ ខេត្តត្បូងឃ្មុំ និងទី២ឈ្មោះពុល ចន្ទរ័ត្ន ភេទប្រុស អាយុ២២ឆ្នាំនៅភូមិស្នួល ឃុំស្នួល ស្រុកស្នួល ខេត្តក្រចេះ ។ ពេលនោះកម្លាំងសមត្ថកិច្ចបានត្រួតពិនិត្យឆែកឆេរ​ លើខ្លួនមុខសញ្ញាឃើញម្សៅក្រាមពណ៌សថ្លាដែលសង្ស័យជាថ្នាំញៀនចំនួនមួយកញ្ចប់ធំ ។

បច្ចុប្បន្នកម្លាំងសមត្ថកិច្ចបានឃាត់ខ្លួនជនសង្ស័យទាំងពីរនាក់រួមជាមួយវត្ថុតាងថ្នាំញៀននិងម៉ូតូ មួយគ្រឿងម៉ាក ហុងដា C125 ឡើងតែមស៊េរី២០១៣ មកអធិការដ្ឋាន នគរ​បាលស្រុកមេមត់ដើម្បីកសាងសំណុំរឿងតាមនីតិវិធីបញ្ជូនទៅតុលាការខេត្តត្បូងឃ្មុំចាត់ការតាមច្បាប់ ៕

ដោយ៖ វណ្ណះ