ភ្នំពេញ៖ ប្រជាពលរដ្ឋជាង១០០នាក់ មកពីភូមិ១ ស្ថិតក្នុងសង្កាត់-ខណ្ឌជ្រោយចង្វា នៅម៉ោងជាង២រសៀល ថ្ងៃទី១៤ ខែធ្នូ ឆ្នាំ២០១៥នេះ បានលើកគ្នាមកតវ៉ានៅសាលាសង្កាត់ដើម្បីសួរនាំ បន្ទាប់ពីអាជ្ញាធរសង្កាត់ ខណ្ឌ បានដកប្រធានភូមិ១ដោយមិនដឹងមូលហេតុ កាលពីពេលថ្មីៗនេះ។
ប្រភពពីអ្នកស្និទ្ធនឹងប្រធានភូមិដែលត្រូវដកតំណែងឈ្មោះជេត ស៊ុបព្រី បានឱ្យដឹងថា លោកស៊ុបព្រី មិនដឹងខ្លួនថា គាត់មានកំហុសអ្វីទេ ហើយប្រជាពលរដ្ឋដែលគ្រោងលើកគ្នាទៅសួរនាំនៅសាលាសង្កាត់ជ្រោយចង្វានេះ បានផ្តិតមេដៃគាំទ្រលោកមេភូមិ១ ដោយពួកគាត់កោតសរសើរ និងគោរពស្រឡាញ់លោកមេភូមិ ទើបចង់ទៅសួរនាំរកហេតុផល ហេតុអ្វីបានជាដកគាត់ ៕
...
ដោយ៖ ជ្រោយពេជ្រ
