ខេត្តត្បូងឃ្មុំ ៖ គ្រោះថ្នាក់ចរាចរណ៍មួយបាន បង្កអោយភ្ញាក់ផ្អើលដល់អ្នកនៅទីកេីតហេតុភ័យ ស្ទើរលោះព្រលឹង នៅពេលមានរថយន្តធុនធំដឹកថ្មមួួយគ្រឿងរេចង្កូតសំដៅបុកផ្ទះ បណ្តាលអោយមនុស្សរបួស និងខូចខាតទ្រព្យសម្បត្តិមួយចំនួនធំ។
ហេតុការណ៍នេះកេីតឡេីងវេលាម៉ោង១២និង៤៥នាទី នៅថ្ងៃទី២៨ ខែមេសា ឆ្នាំ២០១៩ នៅលើផ្លូវជាតិលេខ៧ ចន្លោះបង្គោលគីឡូម៉ែត្រលេខ២១០-២១១ ស្ថិតនៅភូមិជ្រាំទ្រៀក ឃុំត្រមូង ស្រុកមេមត់ ខេត្តត្បូងឃ្មុំ ។
អ្នកបេីកបររថយន្តបង្កហេតុត្រូវបានគេស្គាល់ឈ្មោះឌី ម៉ានីន ភេទប្រុស អាយុ១៨ឆ្នាំជាតិខ្មែរទីកន្លែងកំណេីតនៅភូមិទួលសំបូរ ឃុំជប់ ស្រុកត្បូងឃ្មុំ ខេត្តត្បូងឃ្មុំ(គ្មានរបួស)ហើយក៏គ្មានប័ណ្ណបើកបរ។ ជនបង្កបេីករថយន្តម៉ាកហុីយ៉ាន់ដាយ (HYUN DAI) ពណ៌ទឹកប្រាក់ ពាក់ស្លាកលេខ កំពង់ចាម3A-4040 (ប្រភេទរថយន្តដឹកថ្ម)។
សាក្សីនិយាយអោយដឹងថា រថយន្តបង្កហេតុបេីកបរពីទិសខាងកេីតទៅទិសខាងលិច ប្រេីប្រាស់ល្បឿនយ៉ាងលឿន នៅពេលចុះចំណោតខណៈ មេឃកំពុងភ្លៀងខ្យល់ ធ្វេីអោយអ្នកបញ្ជាចង្កូតរថយន្តលែងបានរេមកបុករះពេញទំហឹងតែម្តង ។
ក្រោយកេីតហេតុមានអ្នករងរបួសសយ សុខុម ភេទស្រី អាយុ៣៣ឆ្នាំ ជាតិខ្មែរ រស់នៅភូមិជាំទ្រៀក ឃុំត្រមូង ស្រុកមេមត់ ខេត្តត្បូងឃ្មុំ(របួសស្រាល) ។ ចំណែកសំភារៈចំនួនដូចជា៖
១-ផ្លាកសញ្ញាស្រាបៀហ្គែន្សបឺតចំនួន០១ផ្ទាំង(ខូចទាំងស្រុង)។
២-ធុងទឹកកកចំនួន០២ធុងនិងគ្រឿងកំប៉ុងមួយចំនួនទៀត។
៣-សំភារ:សំរាប់ដាក់លក់សាំង និងសាំងចំនួន២០លីត្រ។
៤-ផ្លាកយីហោកាត់ដេរចំនួន០១ផ្ទាំង។
៥-បាក់សរសរសំយាប់ផ្ទះចំនួន០១ដេីម និងសំយាបផ្ទះ។
៦-ឆ័ត្រចំនួន០៣ដេីម
៧-ទូរលក់ផ្លែឈេីចំនួន០១ និងផ្លែឈេីមួយចំនួនទៀត។
៨-ជញ្ជីងសំរាប់ផ្លឹងផ្លែឈេីចំនួន០១។
៩-អំពូលភ្លេីងចំនួន០៣។
១០-ម៉ូតូចំនួន០៣គ្រឿងនិងកង់មួយចំនួន
១១-បាក់ជញ្ជាំងផ្ទះចំនួន០២ផ្ទាំង
និងសំភារៈលក់ដូរមួយចំនួនទៀត។
ចំពោះអ្នករបួសត្រូវបាននគរបាលហៅរថយន្តពេទ្យដឹកយកទៅសង្រ្គោះនៅមន្ទីរពេទ្យបង្អែកស្រុកមេមត់។
បច្ចុប្បន្នវត្ថុតាង មានរថយន្តចំនួន០១គ្រឿង ត្រូវបាន កម្លាំងជំនាញនគរបាលចរាចរណ៍បានយកមករក្សាទុកនៅអធិការដ្ឋាននគរបាលស្រុកមេមត់។ ចំពោះឃាត់ខ្លួនអ្នកបេីកបររថយន្តឈ្មោះឌី ម៉ានីន ភេទប្រុសអាយុ១៨ឆ្នាំជាតិខ្មែរ ដើម្បីបំពេញកសាងសំណុំរឿងចាត់ការតាមនីតិវិធី៕ ដោយ ៖ វណ្ណៈ
