ខេត្តកំពង់ធំ÷ក្នុង១ថ្ងៃមានអគ្គិភ័យឆាបឆេះ០២លើក កាលពីវេលាម៉ោង១២:២០នាទី ថ្ងៃពុធ១២រោច ខែចេត្រឆ្នាំកុរឯកស័ព.ស២៥៦៣ត្រូវនិងថ្ងៃទី ០១ខែឧសភា គ.ស២០១៩ ។
សមត្ថកិច្ចបានអោយដឹងថា ទី១.ករណីឆេះព្រៃស្ថិតនៅទល់មុខវរសេនាតូចលេខ១ ភូមិថ្នល់បែក ឃុំត្រពាំងឬស្សី ស្រុកកំពង់ស្វាយ។មូលហេតុ: ធ្វេសប្រហែសដុតសំរាមបណ្តាលឲ្យរាលឆេះព្រៃ។
ទី២.ករណីឆេះចំការប្រេងខ្យល់ស្ថិតនៅទល់មុខសួនអាពាហ៍ពិពាហ៍ ភូមិត្រពាំងចំបក់ ឃុំត្រពាំងឬស្សី ស្រុកកំពង់ស្វាយ ម្ចាស់ចំការឈ្មោះ កុកលន់ ភេទប្រុស អាយុ៥២ឆ្នាំ ខូចខាត:ឆេះចំការអស់ប្រហែល៥ហិចតា។
មូលហេតុ: បណ្តាលមកពីភ្លើងព្រៃឆេះរាលដល់ចំការប្រេងខ្យល់។
ក្នុងហេតុការណ៍នេះ មានរថយន្តអគ្គិភ័យរបស់អធិការដ្ឋាននគរបាលស្រុកកំពង់ស្វាយបានចេញអន្តរាគមន៍ចំនួន០១គ្រឿង និងរថយន្តអគ្គិភ័យរបស់ស្នងការដ្ឋានខេត្តកំពង់ធំចំនួន០៣គ្រឿងប្រើប្រាស់ទឹកអស់ចំនួន០៧រថយន្តស្មើនិង៣០ម៉ែត្រគុប រលត់ទាំងស្រុងមិនបង្ករឲ្យរងរបួសមនុស្សនិងឆេះរាលដាលបន្តទៀតឡើយ ដោយប្រើកម្លាំងជំនាញខេត្តនិងកម្លាំងស្រុកកំពង់ស្វាយបានចុះអន្តរាគមន៍ចំនួន១៨នាក់ដឹកនាំដោយលោកវរសេនីយ៍ឯក ហាយ គឹមហ៊ុន នាយការិយាល័យបង្ការ ពន្លត់អគ្គិភ័យនិងសង្រ្គោះ និងលោកវរសេនីយ៍ទោយន់ ឆៃយាន អធិការរងទទួលផែនការងារអគ្គិភ័យស្រុកកំពង់ស្វាយ៕ប៊ុនរិទ្ធី
