ប៉ោយប៉ែតៈ បុរសជនជាតិចិនម្នាក់ត្រូវបានគេប្រទះឃើញទើនិងរបងថ្មកាលពីព្រឹកថ្ងៃទី៣ខែឧសភាឆ្នាំ២០១៩នៅចំណុចអាគារ១៨ជាន់(កាស៊ីណូCrown)ឋិតក្នុងភូមិក្បាលស្ពាន១សង្កាត់ក្រុងប៉ោយប៉ែតខេត្តបន្ទាយមានជ័យ។

សពជនជាតិចិនមានឈ្មោះZHOU JIEភេទប្រុសអាយុ១៨ឆ្នាំស្នាក់នៅកន្លែងកើតហេតុ សភាពសពគេឃើញស្លៀកខោស្ព័រជើងវែង ពាក់អាវយឺតពណ៌សជាប់និងដៃ។

នគរបាលមូលដ្ឋានបង្ហើបថាសពជនជាតិចិនខាងលើនោះក្រោយពីកម្លាំសមត្ថកិច្ចជម្នាញពិនិត្យនិងធ្វើកោសល្យវិច្ចយ័ ទៅលើដងខ្លួនពុំមានស្លាក់ស្នាមក្នុងករណីឃាត្តកម្មនោះទេ អាចនិងធ្លាក់ដោយខ្លួនឯង។

ករណីខាងលើនេះលោកអធិការក្រុងប៉ោយប៉ែតធិន ស៊ិនដេតប្រាប់តាមទូរសព្ទថាករណីខាងលើនេះមិនមែនជាករណីឃាត្តកម្មនោះទេ ហើយសពរងគ្រោះអាចនិងធ្លាក់ពីលើអគារកំពស់៣ជាន់មកលើរបងថ្មខាងក្រោមផ្គាប់មុខពោះគងរបងថ្ម តែពេលនេះកម្លាំងជម្នាញនៅបន្តស្រាវជ្រាវរកមូលហេតុចំពោះករណីបុរសចិនស្លាប់ខាងលើ។

លោកបញ្ជាក់ថាៈសពរងគ្រោះត្រូវយកទៅតំកល់នៅក្នុងវត្តត្រាចរងចាំសាច់ញ្ញាតិមកយកទៅធ្វើបុណ្យ។នីមវណ្ណា