ភ្នំពេញ៖ ក្មេងទំនើចំនួន២ត្រូវបានសមត្ថកិច្ចនគរបាលខណ្ឌសែនសុខធ្វើការឃាត់ខ្លួនខណៈដែលពួកគេបានលាក់ទុកអាវុធ (ដាវសាំមូរ៉ៃ) ខុសច្បាប់ ។

ការឃាត់ខ្លួននេះបានធ្វើឡើងកាលពីវេលាម៉ោង២២ និង៣០នាទីថ្ងៃទី១៦ ខែធ្នូ នាំ២០១៥ នៅចំនុចផ្លូវណតប្រ៊ីត ភូមិទឹកថ្លា សង្កាត់ទឹកថ្លា ខណ្ឌសែនសុខ ។

សមត្ថកិច្ចបានអោយដឹងថាជនសង្ស័យដែលឃាត់ខ្លួនទាំង២នាក់នោះមានទី១មានឈ្មោះ សុត ណាឃីម ភេទប្រុស អាយុ២០ឆ្នាំមុខរបរធ្វើស្រែ និងទី២ឈ្មោះ យ៉ាង ចន្នី ភេទប្រុសអាយុ២៥ឆ្នាំ មុខរបរធ្វើស្រែ អ្នកទាំង២ស្នាក់នៅភូមិក្រាំងស្បូវ ឃុំមហាឫស្សី ស្រុកគងពីសី ខេត្តកំពង់ស្ពឺ ។

ប្រភពដដែលបានអោយដឹងទៀតថា នៅមុនពេលឃាត់ខ្លួនកម្លាំងសមត្ថកិច្ចបានធ្វើការល្បាតនៅចំនុចខាងលើហើយក៍ឃើញក្មេងទំនើងទាំង២នាក់បានជិះម៉ូតូ១គ្រឿងម៉ាកស៊ូយសុីគីនិច ពណ៍ផ្កាឈូក ពាក់ស្លាកលេខភ្នំពេញ1-0432 គួរអោសង្ស័យក៍ឃាត់ឆែកឆេឃើញមានដាវសាំមូរ៉ៃ១ដើមដែលពួកគេលាក់ទុកដាក់ក្រោមកែបម៉ូតូនោះទើបសមត្ថកិច្ចឃាត់ខ្លួនយកមកសាកសួរតែម្តង ។

បច្ចុប្បន្នជនសង្ស័យរួមនឹងវត្ថុតាងកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការបន្ត ៕

ដោយ៖ តុង សីហា