ឃាត់ខ្លួនជនជាតិវៀតណាម៧នាក់ពុំមានលិខិតស្នាមបញ្ជូនទៅប្រទេសកំណើតវិញ

ចែករំលែក៖

ខេត្តស្វាយរៀង៖ នគរបាលអន្តោប្រវេសន៍នៃស្នងការនគរបាលខេត្តស្វាយរៀង សហការជាមួយកំលាំងនគបាលអធិការដ្ឋានក្រុងបាវិតបានចុះឆែកឆេរការដ្ឋានសំណង់ចំនួន២កន្លែង ឃាត់ខ្លួនជនជាតិវៀតណាម៧នាក់ ក្នុងនោះ២នាក់មានប៉ាស្ព័រ ៥នាក់ពុំមានលិខិតស្នាមនោះទេ កាលពីព្រឹកថ្ងៃទី១៦ ខែធ្នូ ឆ្នាំ២០១៥ នៅចំនួន២ទីតាំងក្នុងក្រុងបាវិត ។

8293

នគរបាលអន្តោប្រវេសន៍នៃស្នងការនគរបាលខេត្តស្វាយរៀងបានអោយដឹងថា ការចុះឆែកឆេរការដ្ឋានសំណង់ចំនួន២កន្លែងនោះមាន១ គឺក្នុងតំបន់សេដ្ឋកិច្ចពិសេសតាយសេងដោយឃាត់ខ្លួនបាន ជនជាតិវៀតណាមចំនួន៥នាក់ និងទីតាំងក្រុមហ៊ុនក្រឡុកស៊ីម៉ង់ត៍បានរកឃើញជនជាតិវៀតណាមចំនួន២នាក់សរុបចំនួន៧នាក់ក្នុងនោះមានលិខិតឆ្លងដែន២នាក់ រីឯ៥នាក់ទៀតមិនមាននោះទេ ។

សមត្ថកិច្ចនគរបាលបានបន្ថែមទៀតថា៖ ចំពោះកម្មករជាជនជាតិវៀតណាមដែលគ្មានប៉ាស្ព័រលិខិតស្នាមចំនួន៥នាក់នោះនារសៀលថ្ងៃដដែល សមត្ថកិច្ចបានរៀបចំឯកសារបញ្ជូនទៅស្រុកកំណើតវិញ ហើយ២នាក់ទៀតដែមានតែប៉ាស្ព័រនោះពុំមានឯកសារគ្រប់គ្រាន់ត្រូវបានសមត្ថកិច្ច ផាកពិន័យទៅតាច្បាប់ផងដែរ ។

សូមបញ្ជាក់ថា នៅថ្ងៃទី១៥ ខែឆ្នូ ឆ្នាំ២០១៥កន្លងទៅនេះ សមត្ថកិច្ច ក៏បានចុះនៅតំបន់សេដ្ឋកិច្ចពិសេសមេនហាតធេន និងរោងចក្រកំពុងសាងសង់សំណង់សាន់ហ្វេនចំនួន៣២នាក់ផងដែរ ហើយក្នុងនោះមានជនជាតិចិនចំនួន៥នាក់ និងជនជាតិវៀមណាម២៧នាក់ ហើយក្នុងចំណោម២៧នាក់មានប៉ាស្ព័រ២១នាក់ប្រភេទទេសចរណ៍(ប្រភេទ E) ប៉ុណ្ណោះ រីឯ៦នាក់ទៀតពុំមានលិខិតស្នាមអ្វីទាំងអស់ត្រូវបានសមត្ថកិច្ចយើងរៀបចំឯកសារដើម្បីបញ្ជូនប្រទេសដើមវិញតាមច្រកទ្វារអន្តរជាតិព្រំដែនបាវិតហើយដែរ ៕

8293_3