បាងកក៖ បន្ទាប់ពីបានដឹកនាំប្រតិភូដល់ទីក្រុងបាងកកប្រទេសថៃ សម្តេចតេជោ ហ៊ុន សែន និងប្រតិភូអមដំណើរត្រូវបានទទួលបដិសណ្ឋារកិច្ចយ៉ាងកក់ក្ដៅពីសំណាក់ រាជរដ្ឋាភិបាលថៃ។ សម្តេច តេជោ ហ៊ុន សែន និងលោក ប្រាយុទ្ធ ច័ន្ទអូចា បានធ្វើជាសហអធិបតីក្នុងពិធីចុះហត្ថលេខា លើឯកសារមួយចំនួនរួមមាន៖
១. សេចក្តីថ្លែងការណ៍រួម នៃកិច្ចប្រជុំគណៈរដ្ឋមន្ត្រីចម្រុះកម្ពុជា-ថៃ លើកទី២
២. អនុស្សារណៈ នៃការយោគយល់ ស្តីពីការអភិវឌ្ឍច្រកទ្វារអន្តរជាតិស្ទឹងបត់-ណងអៀន
៣. អនុស្សារណៈ នៃការយោគយល់ ស្តីពីកិច្ចសហប្រតិបត្តិការវិស័យការងារ
៤. កិច្ចព្រមព្រៀង ស្តីពីការប្រើប្រាស់កម្លាំងពលករ
៥. កិច្ចព្រមព្រៀង ស្តីពីកិច្ចសហប្រតិបត្តិការរវាងក្រុមប្រឹក្សាធុរៈកិច្ចកម្ពុជា-ថៃ និងក្រុមប្រឹក្សាធុរៈកិច្ចថៃ-កម្ពុជា។ ក្នុងដំណើរទស្សនកិច្ចនេះ សម្តេចតេជោ ហ៊ុន សែន ក៏នឹងជួបជាមួយសហគមន៍ធុរៈកិច្ចថៃផងដែរ ៕
