ភ្នំពេញ៖ បុរសម្នាក់ប្រហែលជាស្រវឹងស្រាបានបើករថយន្តហាយប្រ៊ីដ បុករបាំងថ្មពេញទំហឹងខូចខាត២កង់ចំណែករថយន្តដាច់កាឡេទៅមុខលែងរួច ។
ដែលហេតុការណ៍នេះបានកើតឡើងកាលពីវេលាម៉ោង១១និង១០នាទីយប់ថ្ងៃទី២០ ខែធ្នូ ឆ្នាំ២០១៥ នៅចំណុចមុខការ៉ាសសាំង ប្រេងឥន្ឋនតូតាល់ តាមបណ្តោយផ្លូវលេខ២៧១ ស្ថិតក្នុងសង្កាត់ទួលទំពូងទី២ ខណ្ឌចំការមន ។
បើតាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុគេបានឃើញរថយន្តហាយប្រ៊ីដ ពណ៍ស ពាក់ស្លាកលេខ ភ្នំពេញ 2Z 7972 បើកបរដោយយុវជនម្នាក់ទំនងជាស្រវឹងស្រាបានបើកតាមបណ្តោយផ្លូវលេខ៣៧១ ទិសដៅពីកើតទៅលិចក្នុងល្បេឿនយ៉ាងលេឿន ពេលមកដល់ចំណុចកើតហេតុបានបុករបាំងថ្មពុះចែកទ្រូងផ្លូវពេញទំហឹងខូចខាត២កង់ ចំណែករថយន្តបង្កព្យាយាមបើករត់ប្រមាណជាង១០០ម៉ែត្រដោយរថយន្តដាច់កាឡេកង់មុខខាងស្តាំទើបទៅមុខលែងរួច ។
ក្រោយពេលកើតហេតុសមត្ថកិច្ចមូលដ្ឋានបានមកដល់កន្លែងកើតហេតុភ្លាមៗ ប៉ុន្តែបែរជាអោយម្ចាស់រថយន្តបង្កហៅរថយន្តស្ទូចអោយមកយកទៅវិញ ដោយសមត្ថកិច្ចបានត្រឹមតែឈរមើលតែប៉ុណ្ណោះដូចត្រូវគេដាក់ថ្នាំសន្ដំអញ្ចឹង ៕
ដោយ៖ ភារ៉ា ដង្កោ
