ប្រទេសថៃ៖ ក្រុមបឹងកេតអង្គរ ប្រកួតចាញ់ក្រុម Buriram United ១-០ ប៉ុន្តែកីឡាករជម្រើសជាតិកម្ពុជា និងជាសមា ជិករបស់ក្លិបបឹងកេតអង្គរ ចាន់ វឌ្ឍនាកា ទទួលបានពានរង្វាន់កិត្តិយស កីឡាករលេងល្អបំផុត ប្រចាំតំបន់ ក្នុងព្រឹត្តិ ការណ៍ប្រកួតបាល់ទាត់ ដណ្តើមពានរង្វាន់ Toyota Mekong Club Championship 2015ក្នុងចំណោមក្រុម កីឡាករបាល់ទាត់មកពីបណ្តាប្រទេសស្ថិតនៅតាមដងទន្លេរមេគង្គទាំង៥ប្រទេសខណៈ ដែលក្រុម បឹងកេត អង្គរ ទទួលត្រឹមតំណែងជើងឯករងនៃពានរង្វាន់ខាងលើនេះ កាលពីយប់ថ្ងៃអាទិត្យ ទី២០ខែ ធ្នូ ឆ្នាំ២០១៥ នៅប្រ ទេសថៃ។
ក្រុមបឹងកេតអង្គរតំណាងឲ្យប្រទេសកម្ពុជាបានត្រឹមតែទទួលតំណែងជើងឯករងនៃពានរង្វាន់ Toyota Mekong Club Championship 2015 នាំមកជាមួយនូវប្រាក់រង្វាន់ ចំនួន៥ម៉ឺនដុល្លារ ខណៈដែលក្រុមម្ចាស់ផ្ទះ Buriram Unitedគ្រងតំណែងជើងឯក Toyota Mekong Club Championship 2015 អមជាមួយប្រាក់រង្វាន់ ចំនួន៧ម៉ឺន៥ពានដុល្លារ ក្រោយពីយក ឈ្នះក្រុមបឹងកែតអង្គរ ១-០ដោយបាល់ពិន័យចម្ងាយ១១ម៉ែត្រ។
សកម្មភាពប្រកួតយ៉ាងស្វិតស្វាញ រវាងក្រុមជើងខ្លាំងទាំង២ ធ្វើឲ្យទស្សនិកជនក៏ដូចជាអ្នកគាំទ្រមាន អារម្មណ៍ព្រឺព្រួចបំផុត ចាប់តាំងពីការប្រកួតក្នុងតង់ទី១ រហូតដល់កីឡាករ ឈ្មោះDzama Bata របស់ក្រុមបឹង កេតអង្គរ បង្កកំហុសនៅតំបន់គ្រោះថ្នាក់ ទៅលើកីឡាករខ្សែប្រយុទ្ធ ឈ្មោះ Diogo របស់ក្រុម Buriram នៅក្នុងតង់ទី២ នោះ ធ្វើឲ្យអាជ្ញាកណ្តាលផ្លុំកញ្ចែពិន័យ ព្រមទាំងផ្តល់បាល់ប៉េណាល់ទីទៅឲ្យក្រុមម្ចាស់ផ្ទះ ទាត់បានសម្រេច ដោយកីឡាករ ពាក់អាវលេខ៥ ឈ្មោះ Andress Jose Tunez Arceo នៅនាទី៦៧ ជួយក្រុម Buriram លើកពាន Toyota Me kong Club Championship 2015 ។
គួររំលឹកថា ក្រុមបឹងកេតអង្គរធ្វើបានយ៉ាងល្អក្នុងព្រឹត្តិការណ៍ប្រកួតបាល់ទាត់ដណ្តើមពានរង្វាន់ Toyota Mekong Club Championship 2015 បន្ទាប់ពីក្រុមមួយនេះលេងឈ្នះក្រុមឡាវ Lao ២-០ ឈ្នះក្រុម មីយ៉ាន់ម៉ា Yangon United ៣-០ ក្នុងវគ្គជម្រុះនិងបន្តយកឈ្នះក្រុមជើងឯក Toyota Me kong Club Cham pionship 2014 របស់ប្រទេសវៀតណាម Becamex Binh Doung ក្នុងលទ្ធផល៣-២ នៅវគ្គពាក់កណ្ដាលផ្ដាច់ព្រ័ត្រ បន្តែនៅវគ្គផ្ដាច់ព្រ័ត្រ ក្រុមបឹងកេតអង្គរទទួលបានត្រឹមជើងឯករង ជាមួយនឹងប្រាក់រង្វាន់ចំនួន៥ម៉ឺនដុល្លារអាមេរិក។
ជាមួយលទ្ធផលដ៏ល្អនេះដែរ ក្លិបបឹងកេតអង្គរក៏ទទួលបានកិត្តិយសបន្ថែមមួយទៀត គឺកីឡាករ ចាន់ វឌ្ឍនាកា ឈ្នះពានកីឡាករល្អបំផុតក្នុងការប្រកួតពានរង្វាន់អន្តរជាតិ Toyota Mekong Club Championship 2015 ដោយមាន ក្រុមកីឡាករ ចូលរួមពីបណ្តាប្រទេសនៅតាមដងទន្លេមេគង្គចំនួន៥ ទី១-ក្រុម Toyota របស់ឡាវ ទី២- ក្រុម Yangon United របស់មីយ៉ាន់ម៉ា ទី៣-ក្រុមបឹងកេតអង្គរ របស់កម្ពុជា ទី៤- ក្រុម Becamex Binh Doung របស់វៀតណាម និងទី ៥- ក្រុម Buriram United របស់ថៃ។
កីឡាករជម្រើសជាតិកម្ពុជានិងជាសមាជិកក្រុមបឹងកេតអង្គរ ចាន់ វឌ្ឍនាកា បានក្លាយជាកីឡាករលេងល្អបំផុត “Most Valuable Player” ប្រចាំព្រឹត្តិការណ៍អន្តរជាតិមួយនេះ ក្រោយពីរូបគេព្យាយាមរកគ្រាប់បាល់ឲ្យបឹងកេតអង្គរចំនួន៥គ្រាប់ ជួយឲ្យក្រុមនេះ ឡើងទៅលេងវគ្គផ្តាច់ព្រ័ត្រ កាលពីរាត្រីអាទិត្យ ទី២០ខែធ្នូ ឆ្នាំ២០១៥កន្លង ទៅ។
នៅក្នុងចំណោម៥គ្រាប់ដែលកីឡាករ ចាន់ វឌ្ឍនាកា ជួយឲ្យក្រុមបឹងកេតអង្គរ ឡើងទៅវគ្គផ្តាច់ព្រ័ត្រ នៃពានរង្វាន់អន្តរជាតិប្រចាំតំបន់ទន្លេមេគង្គឬក៏ហៅ Toyota Mekong Club Championship ២០១៥នោះ គឺ២គ្រាប់ទាត់បញ្ចូលទី ក្រុមឡាវ Lao Toyota និង៣គ្រាប់បន្ថែមទៀតទាត់បញ្ចូលទីក្រុមជើងឯកវៀតណាម Becamex Binh Doung ជាហេតុនាំឲ្យចាន់ វឌ្ឍនាកាឈ្នះពានរង្វាន់កីឡាករលេងល្អបំផុតប្រចាំព្រឹត្តិការណ៍ ពានរង្វាន់អន្តរជាតិលើកដំបូងអមជាមួយប្រាក់រង្វាន់ចំនួន៣ពាន់ដុល្លារផងដែរ៕
ដោយ៖ សារីម
