ភ្នំពេញ៖  រថយន្តឡិចសុីសLX470មួយគ្រឿងរងការខូចខាតមួយកំណាត់មុខខណៈដែលអ្នកបើកបរបត់ឆ្លងផ្លូវមិនប្រយ័ត្នហើយក៏ជ្រុលទៅបុកនឹងរថយន្តហុីយ៉ាន់ដាយដែលបើកក្នុងទិសដៅអទិភាព ។

គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨ និង១០នាទីព្រឹកថ្ងៃទី២២ ខែធ្នូ ឆ្នាំ២០១៥តាមបណ្តោយផ្លូវភ្នំពេញហាណូយ(1019) ក្នុងសង្កាត់់ភ្នំពេញថ្មី ខណ្ឌសែនសុខ ។

អ្នកឃើញហេតុការណ៍បានអោយដឹងថា នៅមុនពេលកើតហេតុគេឃើញមានរថយន្តមួយគ្រឿងម៉ាកហុីយ៉ាន់ដាយ ពណ៍ស ពាក់ស្លាកលេខភ្នំពេញ3A-7799 បើកបរក្នុងទិសដៅពីត្បូងទៅជើង លុះមកដល់ចំណុចកើតហេតុក៏មានរថយន្តមួយគ្រឿងទៀតម៉ាកឡិចសុីសLX470 ពណ៍ស្ករ ពាក់ស្លាកលេខភ្នំពេញ2F-0997 បើកបរក្នុងទិសដៅពីលិចទៅកើតបើកឆ្លងផ្លូវបត់ឆ្វេង ហើយក៏ជ្រុលទៅបុកនឹងរថយន្តហុីយ៉ាន់ដាយពីក្រោយបណ្តាលអោយរថយន្តឡិចសុីសរងការខូចខាតកាងខាងមុខតែម្តង ។

ក្រោយកើតហេតុក៏ឃើញមាននគរបាលចរារចណ៍ខណ្ឌសែនសុខចុះមកជួយសម្របសម្រួលហើយភាគីខាងរថយន្តហុីយ៉ាន់ដាយព្រមចេញសំណងអោយទៅខាងរថយន្តឡិចសុីសចំនួន៦០ដុល្លាដើម្បីបញ្ចប់រឿង ៕

ដោយ៖ តុង សីហា