ភ្នំពេញ៖ ស្ដ្រីម្នាក់ត្រូវបានកម្លាំង នគរបាលប៉ុស្ដិ៍ទួលសង្កែឃាត់ខ្លួនជាមួយថ្នាំញៀន៧កញ្ចប់ខណៈដែលកម្លាំងនគរ បាលជិះម៉ូតូល្បាតក្នុងភូមិសាស្ដ្ររបស់ ខ្លួនហើយប្រទះឃើញស្ដ្រីម្នាក់នេះកំពុង ដោះដូរនិងចែកចាយថ្នាំញៀននៅតាមផ្លូវ សាធារណៈ ។
ការឃាត់ខ្លួនស្ដ្រីខាងលើនេះបានប្រព្រឹត្ដទៅនៅវេលាម៉ោង១១និង៣០នាទី ព្រឹកថ្ងៃទី២១ ខែធ្នូ ឆ្នាំ២០១៥ នៅចំណុច ផ្លូវលំកែងផ្លូវ២៧៣ ស្ថិតក្នុងភូមិទួល គោក សង្កាត់ទួលសង្កែ ខណ្ឌឫស្សីកែវ ។
ស្ដ្រីរូបនេះត្រូវបានស្គាល់ឈ្មោះរស់ ស្រីលីន អាយុ២០ឆ្នាំ ទីលំនៅមិនពិត ប្រាកដ មុខរបរជួញដូរគ្រឿងញៀនត្រូវ បាននគរបាលឃាត់ខ្លួននិងឆែកឆេររក ឃើញថ្នាំញៀនចំនួន៧កញ្ចប់ (២កញ្ចប់ ធំ និង៥កញ្ចប់តូច) ។
ប្រភពព័ត៌មានពីមន្ដ្រីនគរបាលប៉ុស្ដិ៍ទួលសង្កែបានឱ្យដឹងថា មុនពេលឃាត់ ខ្លួនស្ដ្រីរូបនេះគឺកម្លាំងនគរបាលប៉ុស្ដិ៍ ទួលសង្កែបានជិះម៉ូតូល្បាតក្នុងមូលដ្ឋាន ហើយពេលនោះស្រាប់តែប្រទះឃើញ ស្ដ្រីសង្ស័យខាងលើមានការសង្ស័យក៏ ហៅសួរនាំនិងឆែកឆេររកឃើញថ្នាំញៀន ក៏ឃាត់ខ្លួនតែម្ដង ។
ក្រោយកើតហេតុស្ដ្រីរូបនេះត្រូវបានកម្លាំងនគរបាលបញ្ជូនខ្លួនទៅកាន់អធិការ ដ្ឋាននគរបាលខណ្ឌឫស្សីកែវដើម្បីកសាង សំណុំរឿងបញ្ជូនទៅថ្នាក់លើចាត់ការបន្ដ តាមនីតិវិធី ៕
ដោយ៖ អារុណរះ
