ខេត្ដពោធិ៍សាត់៖ កម្លាំងសមត្ថកិច្ច នគរបាលក្រុងពោធិ៍សាត់បានឃាត់ខ្លួនបុរសម្នាក់ដែលគេសង្ស័យបែកថ្នាំខណៈបុរសរូបនេះកាន់ពូថៅដៃដេញកាប់គេ កាប់ឯង ។
ប្រតិបត្ដិការឃាត់ខ្លួនជនសង្ស័យបែក ថ្នាំខាងលើនេះបានធ្វើឡើងកាលពីរសៀល ថ្ងៃទី២០ ខែធ្នូ ឆ្នាំ២០១៥ នៅភូមិអ៊ិងស្លាម សង្កាត់បន្ទាយដី ក្រុង-ខេត្ដពោធិ៍សាត់ ។
ជនសង្ស័យដែលសមត្ថកិច្ចឃាត់ខ្លួនត្រូវបានគេស្គាល់ឈ្មោះ យឺ រ៉សាលី ភេទ ប្រុស អាយុ២៦ឆ្នាំ មានទីលំនៅភូមិ-សង្កាត់ជាកន្លែងឃាត់ខ្លួន ។
ប្រភពពីសមត្ថកិច្ចនគរបាលក្រុង ពោធិ៍សាត់បានឱ្យដឹងថា ការឃាត់ ខ្លួនជនសង្ស័យខាងលើធ្វើឡើងក្រោយពីមានពាក្យបណ្ដឹងតាមទូរស័ព្ទខណៈបុរសសង្ស័យរូបនេះធ្វើសកម្មភាពអុកឡុកក្នុងគ្រួសារនិងទាញពូថៅដេញកាប់គេកាប់ឯង ប៉ុន្ដែពុំបណ្ដាលឱ្យនរណាម្នាក់រង របួសនោះឡើយ ។
ប្រភពបន្ដទៀតថា បុរសសង្ស័យខាង លើនេះជាមុខសញ្ញាប្រើប្រាស់សារធាតុញៀននិងបានឃាត់ខ្លួនយកមកឃុំជាច្រើន លើកច្រើនសាហើយលើកនេះដោយសារ តែបែកថ្នាំដេញកាប់គេឯងហើយសមត្ថកិច្ច កំពុងបំពេញសំណុំបែបបទបញ្ជូនខ្លួនទៅស្នងការដ្ឋាននគរបាលខេត្ដពោធិ៍សាត់ ដើម្បីចាត់ការបន្ដតាមច្បាប់ ៕
ដោយ៖ ប៉ឹម ពិន
