ខេត្តឧត្ដរមានជ័យ ៖ កម្លាំងនគរបាលប៉ុស្តិ៍ការពារព្រំដែនជាំ និងកម្លាំងប៉ុស្តិ៍នគរបាលឃុំត្រពាំងប្រីយ៍កាល ពីថ្ងៃទី១៥ ខែកក្កដា ឆ្នាំ២០១៩ ម្សិលមិញនេះ បានអន្តរាគមន៍ជួយសង្គ្រោះលោកតាឈ្មោះ អ៊ុន ភេទប្រុស អាយុប្រហែ៦០ឆ្នាំ រស់នៅភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តមានជ័យ ។
មន្ត្រីប៉ុស្តិ៍ជាំអោយដឹងថា លោកតាបានដួលសន្លប់ សង្ស័យកើតរោគខ្យល់គ នៅចំណុចខាងមុខកាសុីណូ ក្នុងភូមិជាំឃុំត្រពាំងប្រិយ ស្រុកអន្លង់វែង ខេត្តឧត្ដរមានជ័យ ។ លោកតាបានបញ្ជូនបានបញ្ជូនទៅកាន់មន្ទីរពេទ្យបង្អែកស្រុកអន្លង់វែង ។
បច្ចុប្បន្នអាការៈលោកតាបានធូរស្រាលហើយដែរ និងបានទទួលថវិកាពីមន្ត្រីនគរបាលប៉ុស្តិ៍ជាំចំនួន១០ម៉ឺនរៀល ដើម្បីទុកសម្រាប់ចាយវាយ បើទោះអាចប្រើប្រាស់នៅក្នុងរយៈពេលខ្លីក្តី ៕ ដោយ ៖ ប៉ែននួន
...
