ភ្នំពេញ៖ សម្ដេចអគ្គមហាសេនា បតីតេជោ ហ៊ុន សែន នាយករដ្ឋមន្ដ្រី ព្រះរាជាណាចក្រកម្ពុជាមានប្រសាសន៍ ទៅកាន់ក្មួយៗ ចៅៗ៧៤៤នាក់ថា ការ សន្យាហ្នឹងគេអាចសន្យាហើយ តែគេ មិនធ្វើក៏បានដែរ ប៉ុន្ដែសម្រាប់ការព្រម ព្រៀងគ្នា គឺភាគច្រើនគេអនុវត្ដ តែមាន ករណីខ្លះគេមិនអនុវត្ដទេ គេព្រមព្រៀង ថា គេមិនធ្វើអីយើងទេ ប៉ុន្ដែគេចេញផុត ពីយើងគេវ៉ៃកយើង ។
នេះក៏មានករណី ខ្លះដែរ ក៏ប៉ុន្ដែសម្រាប់តា និងយាយជា មួយនឹងចៅៗបានព្រមព្រៀងគ្នាក្នុងមួយ ឆ្នាំយើងជួបគ្នាពីរដង ដែលកន្លងទៅកាល ពីខែមេសាយើងបានជួបគ្នាម្ដង ។ ដូច្នេះ ជិតដាច់ឆ្នាំយើងជួបគ្នាម្ដងទៀតចាត់ទុកថាថ្ងៃនេះមកសងបំណុលចៅៗបំណុលសម្រាប់ឆ្នាំ២០១៥ ប៉ុន្ដែនៅជំពាក់ បំណុល២០១៦-២០១៧-២០១៨តៗ ទៅទៀតក្នុងមួយឆ្នាំ២ដងយើងជួបជុំគ្នា។
សម្ដេចនាយករដ្ឋមន្ដ្រីបានមាន ប្រសាសន៍ទៅកាន់ចៅៗកុមាកំព្រា ពិការ ភ្នែក គ ថ្លង់ នៅសាលា គ ថ្លង់ភ្នំពេញថ្មី នាព្រឹកថ្ងៃទី២២ ខែធ្នូ ឆ្នាំ២០១៥ នៅ សាលាគ ថ្លង់ ពិការភ្នែក សង្កាត់ភ្នំពេញ ថ្មី ។ ក្នុងឱកាសនោះដែរ សម្ដេចតេជោ និងសម្ដេចកិត្ដិព្រឹទ្ធបណ្ឌិតប៊ុន រ៉ានី អញ្ជើញជាអធិបតីភាពដ៏ខ្ពង់ខ្ពស់ ក្នុង ពិធីសំណេះសំណាល និងឧបត្ថម្ភចំណី អាហារ និងផ្ដល់សម្ភារ ថវិកាដល់ចៅៗ ដែលតែងតែមកសួរសុខទុក្ខ និងផ្ដល់ ចំណីអាហារ ឧបត្ថម្ភថវិកា និងសម្ភារ ។
សម្ដេចតេជោមានប្រសាសន៍ថា ថ្ងៃនេះតា យាយ បានមកជួបជុំចៅៗ ដោយបានឃើញចៅៗមានសុខភាពល្អ រីកធំធាត់ ពីមួយឆ្នាំទៅមួយឆ្នាំហាក់បី ដូចជាបានដកកម្ពស់ ។ ក្នុងនោះសម្ដេច បានលើកឡើងថា មានមន្ដ្រីមួយចំនួន អត់ចេះប្រើបច្ចេកទេសព័ត៌មានទេ សូម្បី បញ្ជូនសារទៅតាមការផ្ញើសារទៅតាម What´s up ក៏មិនចេះដែរ ។ ប៉ុន្ដែឥឡូវ នេះក្មួយៗចៅៗចេះប្រើចេះបញ្ជូនឱ្យ តាដែរ ដល់ពេលផ្សាយផ្ទាល់ទៅស្ដាប់ បានសំឡេងដែរ ហើយម្យ៉ាងទៀតមាន កម្មវិធីតែភាសាខ្មែរ អត់ទាន់មានកម្ម វិធីភាសាអង់គ្លេស ។
ប៉ុន្ដែបញ្ហាឋិតនៅត្រង់ថា បើគ្មានការ បណ្ដុះបណ្ដាល គ្មានការយកមកហ្វឹកហ្វឺន ស្ទាត់ ចិញ្ចឹមបីបាច់ថែរក្សានោះ ក្មួយៗ ចៅៗមិនមានភ័ព្វសំណាង អាចចេះអក្សរ ឬក៏អាចចេះប្រើព័ត៌មានវិជ្ជា កុំព្យូទ័រ….។
ទន្ទឹមនេះសម្ដេចបានអំពាវនាវចំពោះ ប្រជាពលរដ្ឋរបស់យើងដែលផ្ដល់ការ ស្រឡាញ់ចំពោះជនពិកាហើយត្រូវ ពិចារណាខ្លួនយើងខ្លួនគេជួនយើងជួនគេ បងយើង បងគេ ប្អូនយើង ប្អូនគេ…។ ចំពោះការដែលប្រមាថមកលើតាគឺវា គ្រប់គ្រាន់ណាស់ហើយតាគ្រាន់តែខូច ភ្នែកម្ខាង ហើយធ្វើដល់នាយករដ្ឋមន្ដ្រី គេប្រមាថហៅដល់អាខ្វាក់នេះជាការ ប្រមាថមួយធ្ងន់ណាស់ ។ ឥឡូវនៅក្នុង ទំព័រហ្វេសប៊ុករបស់តាបានប្រាប់ក្រុម អ្នកជំនាញការទាំងអស់នៅពេលដែល គេចូលមកជេរតាអាខ្វាក់គឺសូមរក្សា ទុកនូវពាក្យនោះអត់មានឱ្យដោះចេញ ទេរួចហើយយើងអប់រំគេទៅវិញថា ក្មួយ ឬកូនឬចៅកុំប្រើភាសានេះតទៅទៀត ។ បើសិនជាករណីនេះធ្លាក់ទៅលើជាចៅ ជាក្មួយខ្វាក់ពិកាវិញ តើក្មួយឈឺចាប់ទេ?
សម្ដេចតេជោបានបញ្ជាក់បន្ដថា ខ្ញុំ ចង់ប្រើប្រាស់នូវវិធីអប់រំតាមប្រព័ន្ធ ទំនាក់ទំនងសង្គមទៅវិញ គឺចូលមកចុះ ចូលមកជេរចុះហើយអត់ប្រឡេះចេញ ទេ រួចហើយយើងអប់រំត្រឡប់ទៅគេវិញ ព្រោះឪពុកម្ដាយរបស់គេមិនចង់ឱ្យកូនមានភាពទំនើងឬក៏គ្មានគុណធម៌រហូតដល់ជេរអាកំប៉ាក់ អាកំប៉ុត មីខ្វាក់ អា ខ្វិន គឺជារឿងមួយអកុសលណាស់ ។
ការអប់រំក្មេងតាមរបៀបនេះមនុស្សចាស់ក្ដីក្មេងក្ដីដែលចេះជេរបញ្ចោរគឺ គ្មានអនាគតហើយក៏មិនអាចក្លាយទៅជាមេដឹកនាំឬក៏ជាពលរដ្ឋដ៏ល្អនោះទេ ។ ដូច្នេះសង្ឃឹមថា បើទោះបីជាយ៉ាងណា ក៏ដោយនិយាយទៅដល់ចៅៗដែលប្រើ ប្រព័ន្ធទំនាក់ទំនងសង្គមហើយដែលជា ជនពិកាមួយចំនួនបានចូលធ្វើការហើយរៀនបានបរិញ្ញា បរិញ្ញាបត្រជាន់ខ្ពស់ ហើយឥឡូវឱ្យទៅធ្វើការនៅក្រសួងការបរទេសសង្ឃឹមថា ចៅៗបន្ដការខិតខំ រៀនសូត្រទាំងគ ថ្លង់ ទាំងពិកាភ្នែក ដែលជួបជុំគ្នាថ្ងៃនេះ ។
សម្ដេចតេជោបានអំពាវនាវឱ្យ ស្ថានីយទូរទស្សន៍ដែលមិនមានអ្នកធ្វើសញ្ញាជាភាសាគថ្លង់សម្រាប់ជាព័ត៌ មានក្នុងកម្មវិធីព័ត៌មានសូមមេត្ដារៀបចំឱ្យមានផងដើម្បីឱ្យជនពិកាគថ្លង់ទទួលបានព័ត៌មានទូលំទូលាយ ។
ក្នុងឱកាសនោះសម្ដេចតេជោ និង សម្ដេចកិត្ដិព្រឹទ្ធបណ្ឌិតបានផ្ដល់ជូនកុមារពិកាភ្នែក កុមារគ ថ្លង់ និងកុមារកំព្រា ទាំង៧៤៤នាក់ម្នាក់ៗទទួលបានឃីត មួយកញ្ចប់ ថវិកា៥ម៉ឺនរៀល ជូនលោក គ្រូអ្នកគ្រូសរុប២១០នាក់ម្នាក់ៗទទួល បានឃីត១កញ្ចប់ ថវិកា១០ម៉ឺនរៀល ជូនមជ្ឈមណ្ឌលកុមារកំព្រាភ្នំពេញថ្មី, មជ្ឈមណ្ឌលគាំពារកុមារតាខ្មៅ, មណ្ឌល ផ្ទះអចិន្ដ្រៃយ៍តាខ្មៅ, មណ្ឌលកុមារងាយ រងគ្រោះផ្សារដេប៉ូ, មណ្ឌលកុមារកំព្រា ងាយរងគ្រោះចំការមនសរុប៥មណ្ឌល ដែលមណ្ឌលនីមួយៗទទួលបានមី៥កេះ, ត្រីខ២កេស, ប៊ីចេង២គីឡូក្រាម, ទឹក ក្រូច៥កេស, ទឹកបរិសុទ្ធ៥កេស, ថវិកា២ លានរៀល និងជូនសាលាកុមារគថ្លង់ច្បារ អំពៅមី២០កេស, ត្រីខ៥កេស, ប៊ីចេង ៥គីឡូក្រាម, ស្ករស២៥ គីឡូក្រាម, ទឹកក្រូច២០កេស, ទឹកបរិសុទ្ធ២០កេស, ថវិកា៣លានរៀល ។
មណ្ឌលផ្កាម្លិះគាំទ្រចិត្ដសាស្ដ្រសង្គម និងសាលាពិកាភ្នែក និងកុមារគ ថ្លង់ ភ្នំពេញថ្មីដោយមណ្ឌលនីមួយៗទទួល បានមី២០កេស, ត្រីខ៥កេស, ប៊ីចេង៥ គីឡូក្រាម, ស្ករស២៥គីឡូក្រាម, ទឹកក្រូច ២០កេស, ទឹកបរិសុទ្ធ២០កេស និងបាន រៀបចំអាហារសាមគ្គីថ្ងៃត្រង់១០០តុក្នុង បរិយាកាសសោមនស្សរីករាយ ៕
ដោយ៖ ហេង សូរិយា
