ភ្នំពេញ ៖ នៅថ្ងៃពុធ២៦កក្កដានេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសរសេរនៅលេីហ្វេសប៊ុក អមដោយរូបភាពជាមួយចៅៗ និងចៅច្បងជាច្រេីនសន្លឹក បញ្ជាក់បង្ហាញពីទំហំទឹកចិត្តជីតាមិនទុកអោយចៅស្រី ក្នុងដំណេីរត្រឡប់ទៅបន្តការសិក្សាមានអារម្មណ៍ឯកាសូម្បីតែបន្តិចឡេីយ ។
សម្តេចតេជោបានសរសេរនៅលេីហ្វេសប៊ុកទៀតថា ល្ងាចនេះខ្ញុំបានជូនចៅស្រីរបស់ខ្ញុំត្រឡប់ទៅរៀនវិញបន្ទាប់ពីនាងបានមក
សម្រាកមួយរយ:នៃវិស្សមកាល។
សម្តេចបានសរសេរបញ្ជាក់ថា ដោយសារ ភរិយាខ្ញុំជាជីដូន និងកូនស្រីខ្ញុំ ជាម្តាយជាប់ការងារមិនអាចជូនដំណើរបានតម្រូវឱ៌្យខ្ញុំជាជីតាឆ្លៀតពេលជូនដំណើរចៅដើម្បីជៀស វាងអារម្មណ៍ឯកោរបស់ចៅស្រី។
សម្តេចរំឭកថា ខ្ញុំ និងភរិយា រួមនិងឪពុកខ្ញុំផងធ្លាប់ជូនដំណើរកូនៗខ្ញុំពេលពួកគេចេញទៅរៀន នៅបរទេស។ ពេលនេះ ដល់ពេលត្រូវជូនដំណើរចៅម្តងដែលខ្ញុំចាត់ទុកជាផ្នែកដ៏សំខាន់នៃការលើកទឹកចិត្តសម្រាប់ការសិក្យា របស់ពួកគេ។
សម្តេចបានរំឭកអនុស្សាវរីយ៍កាលស្វែងរក ចំណេះដឹងថា និយាយដល់រឿងនេះខ្ញុំនឹកឃើញពេលដែលខ្ញុំនៅកុមារឪពុកម្តាយខ្ញុំបានបររទេះគោរាប់គីឡូម៉ែត្រមកកាន់កំពង់ផែដើម្បីជូនដំណើរខ្ញុំឡើងកប៉ាល់ទឹកមករៀននៅ ភ្នំពេញ។ទោះនៅនឹងខ្លួនខ្ញុំមានលុយត្រឹមតែ១២រៀល និងបាយខ្ចប់ស្លឹកចេកមួយកញ្ចប់ក្តីតែខ្ញុំមានអារម្មណ៍កក់ក្តៅខ្លាំងណាស់ដែលបានឪពុកម្តាយជូនដំណើរដែលខ្ញុំមើលពីកប៉ាល់ឃើញពួកគាត់ឈរមើលមកកប៉ាល់រហូតផុតកន្ទុយភ្នែកមើលលែងឃើញ។
កូនប្រុសច្បងរបស់ខ្ញុំរៀនចប់ថ្នាក់បណ្ឌិត ឯចៅស្រីច្បងមួយនេះក៏បានសន្យាជាជួយខ្ញុំថាចៅនឹងយកថ្នាក់បណ្ឌិតឱ្យបាន។ខ្ញុំសង្ឃឹមថាចៅមួយនេះនឹងជោគជ័យក្នុងការសិក្សា របស់គេដើម្បីជំរុញឱ្យចៅ១៩នាក់ផ្សេងទៀតយកជាគំរូតាម ៕
