ភ្នំពេញ​ ៖​ យុវជនម្នាក់បានស្លាប់ភ្លាមៗនៅកន្លែងកេីតហេតុ និងម្នាក់ទៀតរងរបួសធ្ងន់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ ខណៈជិះម៉ូតូមួយគ្រឿងឌុបគ្នាតាមដងផ្លូវត្រូវរថយន្តដឹកដែកបុកពីក្រោយនិងកិន​កាលពីវេលាម៉ោង៩និង៤០នាទី យប់ថ្ងៃទី២៩ ខែកក្កដា​ ឆ្នាំ២០១៩​ នៅជិតវត្តព្រៃស្ពឺ​ លេីកំណាត់ផ្លូវជាតិលេខ៣​ ភូមិព្រៃស្ពឺ​ សង្កាត់ចោមចៅទី២​ ខណ្ឌពោធិ៍សែនជ័យ ។

តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេឃេីញយុវជន២នាក់  ជិះម៉ូតូម៉ាក លេត​ ពណ៍ពាក់ស្លាកលេខភ្នំពេញ1FA 3875 ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូងខណះមកដល់ចំណុចកេីតហេតុស្រាប់តែមា​នរថយន្តម៉ាកហ៊ីយ៉ាន់ដាយ​ ពណ៍ស​ ពាក់ស្លាកលេខភ្នំពេញ3C 5352 ដឹកដែកពេញរថយន្តធ្វេីដំណេីរមកពីក្រោយបុកនិងកិនបណ្តាលអោយស្លាប់ម្នាក់របួសធ្ងន់ម្នាក់ចំណែកម៉ូតូរងការស្ទេីទាំងស្រុង។

ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ។ ចំណែករថយន្តនិងម៉ូតូត្រូវបានសមត្ថកិច្ចមូលដ្ឋានសហការជាមួយជំនាញធ្វេីការវាស់វែងយកទៅរក្សាទុកនៅការិយាល័យចរាចរណ៍ ជេីងគោករាជធានីភ្នំពេញរងចាំដោះស្រាយតាមច្បាប់។ ដោយឡែកសពត្រូវបានប្រគល់ទៅក្រុមគ្រួសារយកទៅធ្វេីបុណ្យតាមប្រពៃណីនៅស្រុកកំណេីត ៕ សុខា សែនជ័យ​