ខេត្ដព្រះសីហនុ៖ យុវតីសិស្សសាលា ២នាក់ដែលត្រូវរថយន្ដទំនើបបុកស្លាប់ ម្នាក់របួសធ្ងន់ម្នាក់ មកដល់វេលាម៉ោង ៤និង៣០នាទីទៀបភ្លឺថ្ងៃទី២៥ ខែធ្នូ ឆ្នាំ ២០១៥ បានបន្ដស្លាប់ ម្នាក់ទៀតហើយ បើទោះបីជាអាណាព្យា បាលយុវតីរងគ្រោះប្រឹងប្រែងអស់លទ្ធ ភាពកម្លាំងកាយនិងថវិកាបញ្ជូនទៅ ព្យាបាលយ៉ាងណាក្ដី ។
យុវតីដែលបន្ដស្លាប់ម្នាក់ទៀតនេះ មានឈ្មោះ គុយ អេងលីន អាយុ១៤ឆ្នាំ មានទីលំនៅ ភូមិ៣ សង្កាត់លេខ៣ ក្រុង-ខេត្ដព្រះសីហនុ ។
គួររំលឹងថា កាលពីថ្ងៃទី២២ ខែធ្នូ ឆ្នាំ ២០១៥ មានករណីគ្រោះថ្នាក់ចរាចរណ៍ ដ៏រន្ធត់មួយនៅលើផ្លូវជាតិលេខ៤ ជិត តំបន់សេដ្ឋកិច្ចពិសេសបិតត្រាំង ចន្លោះ គីឡូម៉ែត្រលេខ២១២-២១៣ ស្ថិតក្នុង ភូមិពូធឿង ឃុំបិតត្រាំង ស្រុកព្រៃនប់ ខេត្ដព្រះសីហនុ ។ ករណីគ្រោះថ្នាក់ចរា ចរណ៍នេះបង្កឡើងដោយអ្នកបើករថយន្ដ អេស្កាលេត ពណ៌ខ្មៅ ពាក់ស្លាកលេខ ភ្នំពេញ ២ូ-៦៩៦៩ ខណៈបើកបរក្នុងទិស ដៅពីភ្នំពេញចូលទៅខេត្ដព្រះសីហនុ។ បន្ទាប់ពីអ្នកបើករថយន្ដទំនើបម៉ាក អេស្កាលេតបុកយុវតីម្នាក់ស្លាប់នៅនឹង កន្លែងនិងម្នាក់ទៀតទើបនឹងស្លាប់នៅថ្ងៃ ខាងលើនេះបានរត់គេចចេញពីកន្លែង កើតហេតុដោយបន្សល់ទុករថយន្ដនិង យុវតីរងគ្រោះស្លាប់និងរបួសនៅក្នុង ប្រឡាយទឹក ។
នៅថ្ងៃកើតហេតុតាមប្រភពបានឱ្យ ដឹងថា យុវតីដែលបានបាត់បង់ជីវិត ភ្លាមៗនៅកន្លែងកើតហេតុឈ្មោះ គុយ អេងលី អាយុ១៥ឆ្នាំ ដោយជួបគ្រោះថ្នាក់ ខណៈយុវតីទាំង២នាក់បងប្អូនជិះម៉ូតូត្រ ឡប់មកពីចូលរួមដង្ហែសពបងប្អូនទៅទី បញ្ចុះសពក្នុងឃុំរាម ស្រុកព្រៃនប់ ខេត្ដ ព្រះសីហនុ ។ យុវតីរងគ្រោះត្រូវរថយន្ដ ទំនើបខាងលើនេះបុកផ្លោងចូលប្រឡាយ ដោយទាំងម៉ូតូម៉ាកស្គូពី ពណ៌ស គ្មាន ស្លាកលេខរងការខូចខាតទាំងស្រុងផង ដែរ ។
តាមប្រភពពីក្រុមគ្រួសារយុវតីរង គ្រោះបានឱ្យដឹងថា យុវតីរងគ្រោះទាំង២ នាក់នេះជាបងប្អូនបង្កើតនឹងគ្នា បច្ចុប្បន្ន ជាសិស្សរៀននៅសាលាអន្ដរទ្វីបនិងជា សិស្សពូកែ មានសញ្ញាបត្រជាច្រើន សម្រាប់ពួកគេ ។
ជុំវិញករណីគ្រោះថ្នាក់ចរាចរណ៍ ស្លាប់យុវតីទាំង២ខាងលើនេះលោកអនុ សេនីយ៍ឯក ណុប សារឿន ប្រធានផ្នែក ដោះស្រាយគ្រោះថ្នាក់ចរាចរណ៍នៃការិ យាល័យចរាចរណ៍ផ្លូវគោកបានប្រាប់ឱ្យ ដឹងថា សមត្ថកិច្ចនៅព្រឹកថ្ងៃទី២៥ នេះ បានចុះទៅសាកសួរបន្ថែមពីសាក្សី ដែលបានឃើញហេតុការណ៍នៅជុំវិញ កន្លែងកើតហេតុបន្ថែមទៀត ។
តាមប្រភពពីប្រជាពលរដ្ឋនៅក្រុង ព្រះសីហនុបានឱ្យដឹងថា រថយន្ដដែល បុកយុវតីទាំង២នាក់ស្លាប់ជាបន្ដបន្ទាប់ នេះ នៅថ្ងៃកើតហេតុគឺបើកបរដោយថៅ កែសណ្ឋាគារទំនើបមួយនៅក្រុងព្រះ សីហនុ ។ នៅក្នុងអំឡុងនៃគ្រោះថ្នាក់នេះ ថៅកែដែលបើករថយន្ដបុកយុវតីទាំង២ នាក់ឱ្យស្លាប់បានបញ្ជូនតំណាងមកចូល រួមសម្របសម្រួលឧបត្ថម្ភក្នុងពិធីបុណ្យសពក្រុមគ្រួសារយុវតីរងគ្រោះផងដែរ។ទោះជាបែបនេះក្ដីអ្នកច្បាប់បានលើក ឡើងថា ប្រសិនបើក្រុមគ្រួសារជនរង គ្រោះមិនប្ដឹងផ្ដល់អ្នកបើករថយន្ដបង្កឱ្យ មនុស្សស្លាប់ក៏ដោយ តាមផ្លូវច្បាប់អ្នក បើកបរត្រូវតែមានទោសដាច់ខាត ៕
ដោយ៖ ឆ្លាមសមុទ្រ
