ភ្នំពេញ៖ ហេតុការណ៍គ្រោះថ្នាក់ចរាចរណ៍មួយបង្កឡើងដោយសារតែបុរសជនជាតិស្បែកខ្មៅមានគ្នា៤ទៅ៥នាក់បានបើករថយន្តCRV មួយគ្រឿងក្នុងល្បឿនលឿនដោយគេចពីម៉ូតូក៏ជ្រុលបុកគម្របលូបណ្តាលអោយគល់ជាប់ទៅមុខលែងរួច ។
កាលពីវេលាម៉ោង៣ និង១០នាទីរសៀលថ្ងៃទី២៥ ខែធ្នូ ឆ្នាំ២០១៥ នៅចំណុចភូមិព្រៃកោង សង្កាត់ចោមចៅ ខណ្ឌពោធិ៍សែនជ័យ ។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញរថយន្តម៉ាកCRV ពណ៍ស្ករ ពាក់ស្លាកលេខភ្នំពេញ2Y-2544 បើកបរដោយបុរសជនជាតិស្បែកខ្មៅមានគ្នា៤ទៅ៥នាក់ ធ្វើដំណើរតាមបណ្តោយផ្លូវវេងស្រេងក្នុងទិសដៅពីលិចទៅកើតក្នុងល្បឿនលឿនខណៈមកដល់ចំណុចកើតហេតុស្រាប់តែគេចពីម៉ូតូមួយគ្រឿងដែលជិះបញ្ច្រាសក៏ទាញចង្កូតទៅខាងស្តាំជ្រុកទៅបុកគម្របលូបណ្តាលអោយគល់ជាប់ទៅមុខលែងរួចតែសំណាងល្អមិនបង្កអោយមនុស្សរងរបួសនោះទេ ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុ និងអោយម្ចាស់ចេញថ្លៃជួសជុលធ្វើលូវិញដើម្បីបញ្ចប់រឿងនៅកន្លែងកើតហេតុ ៕
ដោយ៖ សុខាសែនជ័យ
...
