ខេត្តកណ្តាល: សមត្ថកិច្ចនគរបាលប៉ុស្តិ៍រដ្ឋបាលស្វាយអំពារបានឃាត់ខ្លួនបុរសម្នាក់ដែលប្រើអំពើហិង្សាបំផ្លាញទ្រព្យសម្បត្តអ្នកដទៃ គ្រាដែលផឹកស៊ីស្រវឹង កាលពីវេលាម៉ោង១និង៣០នាទីរសៀល ថ្ងៃ ចន្ទ ១១រោច ខែស្រាពណ៍ ឆ្នាំ កុរ ឯកស័ក ព.ស.២៥៦៣ ត្រូវនឹង ថ្ងៃទី២៦ ខែសីហា ឆ្នាំ២០១៩ នៅចំណុចផ្ទះជនរងគ្រោះ នៅភូមិក្រងស្វាយ ឃុំស្វាយអំពារ ស្រុកមុខកំពូល ខេត្តកណ្តាល។
មន្រ្តីនគរបាលប៉ុស្តិ៍រដ្ឋបាលស្វាយអំពារបានឲ្យដឹងថា ជនរងគ្រោះឈ្មោះ ឡុង សុឃីម ភេទស្រីអាយុ៤២ឆ្នាំ រស់នៅភូមិ-ឃុំកើតហេតុ មុខរបរ លក់ត្រី ។រីឯជនសង្ស័យឈ្មោះ មួង ធី ភេទប្រុសអាយុ៣៥ឆ្នាំ រស់នៅភូមិ-ឃុំកើត ហេតុ មុខរបរមិនពិតប្រាកដ។ ដោយឡែកវត្ថុតាងចាប់យកមាន ដុំថ្មចំនួន១ដុំ ទម្ងន់ ៤ខាំ ព្រមទាំងពិនិត្យឃើញសម្ភារខូចខាតមាន ស្នាមធ្លុះជញ្ជាំងផ្ទះជនរងគ្រោះចំនួន៣កន្លែងទៀតផង ។
តាមប្រភពព័ត៌មានបានឲ្យដឹងថានៅពេលកន្លងមកជនសង្ស័យ ធ្លាប់បាន ប្រើប្រាស់គ្រឿងញៀននិងប្រើអំពើហិង្សាក្នុងគ្រួសារ ជាច្រើនលើកច្រើនសា។ លុះមកដល់ថ្ងៃទី២៥ខែសីហា ឆ្នាំ២០១៩វេលាម៉ោងប្រហែល
១០យប់ក្រោយពីស៊ីការក្មួយ នៅភូមិ-ឃុំកើតហេតុរួចមក ជនសង្ស័យបានមកដល់ផ្ទះក៏ឃើញឈ្មោះភា (ត្រូវជាបងថ្លៃ)បានផឹកស្រាជាមួយឈ្មោះខ្លង នៅក្នុងរោងមុខផ្ទះឈ្មោះភា ពេលនោះជនសង្ស័យ ក៏បានសួរឈ្មោះភាថា៖ ស្មើនឹងមិនទាន់ដេកទៀត។ ឈ្មោះភាក៏ឆ្លើយថា អ្ហែងស្រវឹងហើយឡើងទៅដេកទៅ ! បន្ទាប់មកក៏មានការឈ្លោះប្រកែកគ្នាទៅវិញទៅមក រវាងឈ្មោះភា និង ជនសង្ស័យហើយឈ្មោះស្រី(ត្រូវជាប្អូនថ្លៃ)បានបាញ់ជំពាមកៅស៊ូមកលើផ្ទះម្តាយជនសង្ស័យបង្កើត។
ពេលឃើញដូច្នេះជនសង្ស័យក៏ រើសដុំថ្មមួយដុំគប់ទៅលើជញ្ជាំងផ្ទះជនរងគ្រោះ បណ្តាលឲ្យ ធ្លុះចំនួន៣ កន្លែង ភ្លាមៗនោះជនរងគ្រោះបានទូរសព្ទ័ ប្តឹងសមត្ថកិច្ចប៉ុស្ដិ៍ស្វាយអំពារ ហើយកម្លាំងប៉ុស្តិ៍ បានមកដល់កន្លែងកើតហេតុ តែជនសង្ស័យបានរត់គេចខ្លួនបាត់។ លុះដល់ថ្ងៃទី២៦ខែសីហាឆ្នាំ២០១៩ វេលាម៉ោង១និង៣០នាទីរសៀល ជនសង្ស័យបានមកផឹកស្រាជាមួយឈ្មោះ ឈឿនមិងឈ្មោះ ភក្តិ ផឹកអស់ស្រាបៀចំនួន ២កំប៉ុង ស្រាព់តែជនសង្ស័យបានដើរមកដល់បង្ករឿងសួរបងថ្លៃឈ្មោះ ភា ដែលកំពុងផឹកស្រាជាមួយឈ្មោះខ្លងថា៖ (អាណាថាអញគប់ផ្ទះអ្ហែង)ភ្លាមនោះជនសង្យ័យបានរើសយកដុំថ្មគប់លើផ្ទះ ឈ្មោះភាទៀត ពេលឃើញសកម្មភាពបែបនេះឈ្មោះ ភានិងអ្នកជិតខាងបាននាំគ្នាចាប់ជនសង្ស័យយកមកប្រគល់ជូន សមត្ថកិច្ចប៉ុស្តិ៍ស្វាយអំពារតែម្តង ៕ ស្អាងជ័យ
