ភ្នំពេញ៖ បុរសម្នាករថយន្តម៉ាកកូឡាមួយគ្រឿងដោយក្នុងមានប្រពន្ធនិងកូនមួយបានបើកត្រឡប់មកពីលេងផ្ទះបងប្អូន ហើយសំដៅទៅផ្ទះវិញ ខណៈមកពាក់កណ្ដោលផ្លូវ រថយន្តខាងលើបានដាច់កាឡេកង់មុខខាងឆ្វេង រេចង្កូតជ្រុលទៅបុករបាំងថ្មពុះចែកទ្រូងផ្លូវបាក់អស់១កង់ ។
បង្កការភ្ញាក់ផ្អើលកាលពីវេលាម៉ោង៦និង២០នាទីយប់ ថ្ងៃទី២៧ ខែធ្នូ ឆ្នាំ២០១៥ នៅមុខស្ថានីយប្រេងឥន្ធនៈតូតាល់ តាមបណ្តោយផ្លូវ២៧១ សង្កាត់ទួលទំពួងទី២ ខណ្ឌចំការមន រាជធានីភ្នំពេញ ។
តាមប្រភពពត័ពីកន្លែងកើតហេតុបានឱ្យដឹងថា មុនពេលកើតហេតុគេឃើញ បុសរម្នាក់បើកបររថយន្តមួយគ្រឿងម៉ាកកូឡា ពណ៌ក្រហម ពាក់ស្លាកលេខ ភ្នំពេញ 2A.7178 នៅក្នុងរថយន្តនោះមានប្រពន្ធនិងកូន បើកបរពីត្បូងទៅជើងទើបវិលត្រឡប់មកពីលេងផ្ទះបងប្អូនវិញ ខណៈមកដល់ពេលកណ្ដោលផ្លូវមកដល់ចំណុចកើតហេតុខាងលើ ស្រាប់តែរថយន្តបានដាច់កាឡេកង់មុខខាងឆ្វេងធ្វើរថយន្តរេចង្កូតជ្រុលទៅបុករបាំងថ្មពុះចែកទ្រូងផ្លូវបាក់អស់១កង់ និងបណ្ដោយឱ្យប្រពន្ធបោកក្បាលនឹងកញ្ចក់រថយន្តរងរបួសស្រាល ។
ក្រោយពេលកើតហេតុម្ចាស់រថយន្តបានអែបឈប់នៅមុខស្ថានីយប្រេងឥន្ធនៈតូតាល់ ដើម្បីដោះដូរកង់រថយន្តត្រូវសមត្ថកិច្ចមកទាន់បានហៅសមត្ថកិច្ចជំនាញ ទៅដល់ស្ទួចយកទៅការិយាល័យនគរបាលចរាចរណ៍ផ្លូវគោករាជធានីភ្នំពេញ ដើម្បីដោះស្រាយ ៕
ដោយ៖ ស រស្មី
