ភ្នំពេញ៖ ជនសង្ស័យម្នាក់ក្នុងចំណោមបីនាក់ត្រូវប្រជាពលរដ្ឋចាប់ប្រគល់អោយអាវុធហត្ថខណ្ឌសែនសុខក្រោយពីផ្លោះរបងប៉ុនប៉ងលួចទ្រព្យសម្បត្តិតែមិនបានសម្រេច ។ កាលពីវេលាម៉ោង២២យប់ថ្ងៃទី២៦ ខែធ្នូ ឆ្នាំ២០១៥ ស្ថិតនៅចំណុចភូមិសែនសុខ០៦ សង្កាត់ឃ្នួញ ខណ្ឌសែនសុខ ។

ប្រភពពីលោកវរៈសេនីយ៍ទោ ព្រំ សក្កដា មេបញ្ជាការកងរាជអាវុធហត្ថខណ្ឌសែនសុខបានអោយដឹងថា ជនសង្ស័យដែលឃាត់ខ្លួនមានឈ្មោះ មាស សំណាង ភេទប្រុស អាយុ២៥ឆ្នាំមុខរបរមិនពិតប្រាកដ ស្នាក់ភូមិសែនសុខ០៤ សង្កាត់ឃ្នួញ ខណ្ឌសែនសុខ ។

លោកបន្តទៀតថា នៅមុនពេលកើកហេតុវេលាម៉ោង១៧ និង៣០នាទី ជនសង្ស័យ និងមិត្តភក្តិបីនាក់ទៀតបានមកអង្គុយផឹកនៅក្នុងចំការរហូតដល់ម៉ោង២១យប់ ជនសង្ស័យបាននាំគ្នាដើរមើលជុំវិញផ្ទះជនរងគ្រោះហើយក៏ផ្លោះរបងចូលប៉ុនប៉ងលួចយកទ្រព្យសម្បត្តិតែត្រូវម្ចាស់ មកទាន់ក៏ចាប់បានជនសង្ស័យម្នាក់ហើយម្ចាស់ផ្ទះបានប្តឹងមកកម្លាំងអាវុធខណ្ឌសែនសុខ ដើម្បីជួយអន្តរាគមន៌ ចំណែកបក្ខពួក២នាក់ទៀតបានរត់គេចខ្លួន ហើយកម្លាំងរបស់លោកកំពុងស្រាវជ្រាវបន្ត ។

ក្រោយពីសាកសួររួចជនសង្ស័យត្រូវបានបញ្ជួនខ្លួនទៅកាន់ទីបញ្ជាការដ្ឋានកងរាជអាវុធរាជធានីភ្នំពេញ ដើម្បីចាត់ការបន្តតាមនិតិវិធី ៕

ដោយ៖ តុង សីហា