ភ្នំពេញ៖ មានការភ្ញាក់ផ្អើលមួយបានកើតឡើងនៅវេលាម៉ោង៧និង៥០នាទីព្រលប់ ថ្ងៃទី២៩ ខែធ្នូ ឆ្នាំ២០១៥ ស្ថិតនៅជិតផ្សារក្រមួន ភូមិស្វាយប៉ាក់ សង្កាត់ស្វាយប៉ាក ខណ្ឌឫស្សីកែវ បន្ទាប់ពីយុវជន២ក្រុមបានទាស់សម្តីគ្នា ឈានរហូតដល់កាប់ស្លាប់ម្នាក់នៅនឹងកន្លែងកើតហេតុ ។
ជនដៃដល់បានរត់គេចខ្លួនខណៈកាប់ទៅលើជនរងគ្រោះបណ្តាលឲ្យដាច់ក ស្លាប់ភ្លាមៗនៅក្នុងថ្លុកឈាម ។
សមត្ថកិច្ចកំពុងស្វែងរកចាប់ជនដៃដល់ដែលធ្វើសកម្មភាពកាប់សម្លាប់ទៅលើជនរងគ្រោះ ។
បុរសរងគ្រោះឈ្មោះ ចាន់ សុខ អាយុ៤១ឆ្នាំ មានទីលំនៅ និងមុខរបរមិនពិតប្រាកដ ហើយបច្ចុប្បន្ន សពត្រូវយកទៅដំកល់ទុកនៅវត្តព្រែកព្នៅរង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី ៕
...
ដោយ៖ អរុណរះ
