ភ្នំពេញ ៖ បុរសម្នាក់បានរងរបួសធ្ងន់ ហើយត្រូវបានរថយន្តសង្គ្រោះបន្ទាន់ដឹកយកទៅឯមន្ទីពេទ្យ ខណៈពេលដែលកំពុងជិះម៉ូតូត្រូវរថយន្តមួយគ្រឿងរបស់លោក សុិន សុីវ ជាចៅសង្កាត់ជើងឯក បានបុកពេញទំហឹង កាលពីវេលាម៉ោង៧ព្រឹក ថ្ងៃសុក្រ ទី៤ ខែតុលា ឆ្នាំ២០១៩ ស្ថិតនៅតាមបណ្តោយផ្លូវ៥០ម៉ែត្រ ក្នុងភូមិព្រែកថ្លឹងសង្កាត់ជើងឯក ខណ្ឌដង្កោ រាជធានីភ្នំពេញ។

យោងតាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញជនរងគ្រោះខាងលើជិះម៉ូតូមួយគ្រឿងម៉ាកហុងដាសេ១២៥ ពណ៍ខ្មៅ បើកបរទិសដៅពីកើតទៅលិច លុះដល់ចំនុចកើតហេតុក៏មានរថយន្តមួយគ្រឿងម៉ាក ឡិចស៊ីស RX330 ពណ៌ស ពាក់ស្លាកលេខ(ភ្នំពេញ 2AJ 0989) បើកបរទិសដៅពីជើងទៅត្បូងបំរុងនិងឆ្លងផ្លូវបានជ្រុលចង្កូតទៅបុកអ្នកជិះម៉ូតូបណ្តាលឲ្យខ្ទាតចូលគុម្ពស្មៅរងរបួសធ្ងន់ត្រូវបញ្ជូនទៅមន្ទីរពេទ្យដើម្បីធ្វើការសង្រ្គោះភ្លាមៗផងដែរ។
ក្រោយពេលកើតហេតុលោកចៅសង្កាត់ជើងឯកបានព្រមសងថ្លៃព្យាបាលដល់ជនរងគ្រោះដើម្បីចប់រឿង៕

ដោយ៖ ភារ៉ា ដង្កោ