ខេត្តកំពង់ធំ ៖ ផ្ទុះឆេះផ្ទាំងសូឡា បង្កជាអគ្គិភ័យឆាបឆេះផ្ទះ១ខ្នងធំ វេលាម៉ោង១១៖០០នាទីយប់ ថ្ងៃទី២២ ខែតុលា ឆ្នាំ ២០១៩ ស្ថិតនៅភូមិអង្គសែនជ័យ ឃុំក្លែង ស្រុកសណ្តាន់ ខេត្តកំពង់ធំ។
សមត្ថកិច្ចបានអោយដឹងថា ម្ចាស់ផ្ទះឈ្មោះ ឆែម ឈា ភេទប្រុស អាយុ៣៣ឆ្នាំប្រពន្ធឈ្មោះ ព្រំ ចិន្តា អាយុ៣១ឆ្នាំ ផ្ទះធ្វើអំពីឈើលើថ្មក្រោម ដំបូលប្រក់ក្បឿង ទំហំ០៧មx១១ម។ មូលហេតុ: ឆ្លងចរន្តផ្ទាំងសូឡា។
តាមការសន្និដ្ឋានទំហំនៃការខូចខាត ៖ ឆេះផ្ទះ០១ខ្នងទាំងស្រុងទំហំ០៧មx១១ម ,-ម៉ូតូចំនួន០២គ្រឿង ,-តុបាយចំនួយ០៤គ្រឿង ,-ហង្សតេចំនួន០២គ្រឿង ,-គ្រែចំនួន០៣ ,-ថូផ្កាចំនួន០១គូ ,-កូនក្រឡឹងចំនួន១៥គ្រាប់ ,-ទូរទស្សន៍ចំនួន០១គ្រឿង ,-ផ្ទាំងសូឡាចំនួន០១គ្រឿង ,-ម៉ាស៊ីនបាញ់ថ្នាំចំនួន០១គ្រឿងនិងសម្ភារក្នុងផ្ទះមួយចំនួនទៀត។
ករណីអគ្គិភ័យឆាបឆេះខាងលើពុំបណ្តាលឲ្យរងរបួសមនុស្សនិងឆេះរាលដាលដល់ផ្ទះអ្នកជិតខាងឡើយ ក្នុងហេតុការណ៍នោះ កម្លាំងសមត្ថកិច្ចមិនបានប្រើប្រាស់រថយន្តអគ្គិភ័យរបស់អធិការដ្ឋាននគរបាលស្រុកសណ្តាន់ចេញអន្តរាគមន៍ទេ មូលហេតុម្ចាស់ផ្ទះមិនបានរាយការណ៍ជូនសមត្ថកិច្ច ៕ ប៊ុនរិទ្ធី
