ភ្នំពេញ​ ៖​ សម្តេចព្រះធម្មលិខិត លាស់ ឡាយ សម្តេចព្រះសង្ឃនាយករងទី១ នៃព្រះរាជាណាចក្រកម្ពុជា ព្រះប្រធានថេរសភាសង្ឃ នឹងជាព្រះគ្រូចៅអធិការវត្តសន្សំកុសលព្រះអង្គបានយាងចូលទីវង្គតហេីយ នៅរសៀលថ្ងៃទី ២៩ ខែតុលា ឆ្នាំ ២០១៩នេះវេលាម៉ោងជិត៤ រសៀលម្សិលមិញ​នេះ​ ក្នុងព្រះជន្មាយុ ១០៦ ព្រះវស្សា ។

សូមបញ្ចាក់ថាសម្តេចព្រះធម្មលិខិត លាស់ ឡាយ ព្រះអង្គជាបញ្ញវន្តសង្ឃ១ព្រះអង្គដ៏ឆ្នើមប្រចាំព្រះរាជាណាចក្រកម្ពុជា និងជាអតីតសមាជិកក្រុមជំនំព្រះត្រៃបិតកខ្មែរ ក្នុងសម័យសម្តេចព្រះសង្ឃរាជជួនណាត ហើយព្រះអង្គបានប្រឈួនដោយមិនអាចយាងបាន ដោយផ្ទុំជាប់និងព្រះទែនក្នុងរយៈពេលចុងក្រោយនេះ ៕