ខេត្តត្បូងឃ្មុំ ៖ បុរសម្នាក់ដែលគេសង្ស័យថាបានលួចយកម៉ូតូមួយគ្រឿងរបស់ជនរងគ្រោះ រស់នៅស្រុក-ខេត្តជាមួយគ្នា ត្រូវបានកម្លាំងប៉ុស្តិ៍នគរបាលរដ្ឋបាលត្រពាំងព្រីង នៃអធិការដ្ឋាននគរបាលស្រុកតំបែរ ស្រាវជ្រាវតាមចាប់ឃាត់ខ្លួនបានតាមបណ្តឹង ដើម្បីចាត់ការតាមច្បាប់ ។ ជននេះត្រូវឃាត់កាលពីវេលាម៉ោង៧និង៤០ នាទី ថ្ងៃទី២៤ ខែវិច្ឆិកា ឆ្នាំ២០១៩ ម្សិលមិញនេះ នៅចំណុចចម្ការកៅស៊ូស្ថិត នៅភូមិចំបក់ ឃុំត្រពាំងព្រីង ស្រុកតំបែរ ខេត្តត្បូងឃ្មុំ ។
សមត្ថកិច្ចឲ្យដឹងថា ជនសង្ស័យឈ្មោះ ឃឹម ពេជ្រភេទប្រុស អាយុ៤២ឆ្នាំ នៅភូមិស្រែកក់ឃុំត្រពាំងព្រីង ស្រុកតំបែរ ខេត្តត្បូងឃ្មុំ ។ ចំណែកជនរងគ្រោះឈ្មោះ គង់ ទូច ភេទ ប្រុស អាយុ៥៦ឆ្នាំ នៅភូមិសញ្ជ័យសែន ឃុំតំបែរ ស្រុក តំបែរខេត្តត្បូងឃ្មុំ ។ មធ្យោបាយធ្វើដំណើរដែលសមត្ថកិច្ចចាប់ដកហូតបានពីជនសង្ស័យ ម៉ូតូ១គ្រឿង ម៉ាកវ៉េវឆ្លាម ពណ៌ទឹកប៊ិច ស៊េរីឆ្ណាំ២០១៩ លេខតួ៖ ២១៨១២៣ លេខម៉ាស៊ីន ៖ ១០៧ ៦៧៦៤ ។
បច្ចុប្បន្នជនសង្ស័យ និងវត្ថុតាងត្រូវបានបញ្ជូនមកដល់អធិការដ្ឋាននគរបាលស្រុកតំបែរដើម្បីកសាសំណុំរឿង ចាត់ការតាមនិតិវិធី ៕ ដោយ ៖ វណ្ណៈ
