ភ្នំពេញ ៖ បុរសវ័យចំណាស់ជនជាតិបរទេសម្នាក់បានស្លាប់នៅនឹងកន្លែងកើតហេតុ ខណៈបើកម៉ូតូទៅបុកនឹងរបងឃ្លាំងសាំងសូគីមុិច
។
ហេតុការណ៍នេះបានកើតឡើង កាលពីម៉ោង៧.៤០នាទីយប់ថ្ងៃទី២៩ ខែវិច្ឆិកា ឆ្នាំ២០១៩ នៅតាមបណ្ដោយផ្លូវជាតិលេខ៥
ខាងមុខរបងឃ្លាំងសាំងសូគីមុិច ស្ថិតក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។
ប្រភពពត៌មាននៅកន្លែងកេីតហេតុបានឲ្យដឹងថា មុនពេលកេីតហេតុ គេឃេីញបុរសជាជនជាតិបរទេសម្នាក់បេីកម៉ូតូធំមួយគ្រឿង ពណ៌ក្រហមពាក់ស្លាកលេខភ្នំពេញ1BE-3552យ៉ាងលឿនតាមបណ្ដោយផ្លូវជាតិលេខ៥ ក្នុងទិសដៅពីជេីងទៅត្បូង ខណៈមកដល់កន្លែងកេីតហេតុ បានរេចង្កូតជ្រុលទៅបុករបងឃ្លាំងសាំងសូគីមុិច បណ្ដាលអោយដួលបោកក្បាលស្លាប់នៅនឹងកន្លែង។
បន្ទាប់ពីកើតហេតុ សមត្ថកិច្ចមូលដ្ឋានបានមកដល់កន្លែងកើតហេតុ បានទំនាក់ទំនងទៅសមត្ថកិច្ចជំនាញចុះមកយកម៉ូតូទៅរក្សាទុកបណ្តោះអាសន្នរងចាំប្រគល់ជូនសាច់ញាតិវិញ។ដោយឡែកសពជនរងគ្រោះមត្ថកិច្ចធ្វើកំណត់ហេតុរួចដឹកយកទៅតម្កល់ទុកនៅវត្តទឹកថ្លា រងចាំសាច់ញាតិយកទៅធ្វើបុណ្យតាមប្រពៃណី៕ជ្រោយពេជ្រ
