ខេត្តរតនគិរី៖ ផ្ទះជនជាតិវៀតណាមមួយកន្លែងរងការខូចខាតដោយសារជាងបិតកញ្ចក់គ្មានគុណភាពមួយផ្ទាំងនៅជាន់ទី៣ របេះធ្លាក់ពីលើដំបូលផ្ទះមិនបណ្តាលឲ្យរងរបួសអ្នកដទៃឡើយ ។

ហេតុការណ៍គួរឲ្យភ្ញាក់ផ្អើលនេះកើតឡើងនៅវេលាម៉ោង១ទាបភ្លឺចូលថ្ងៃទី៤ ខែមករា ឆ្នាំ២០១៦ត្រង់ចំណុចផ្ទះល្វែងមួយកន្លែងមានយីហោ ជីងហុង ស្តិតក្នុងភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ។

បើតាមសម្ដីលោក ជីង ឡៅចាង ភេទប្រុស អាយុ២៨ឆ្នាំជនជាតិវៀតណាមបានឲ្យដឹងថា ផ្ទះរបស់គាត់មានលក់គ្រឿងអេឡិចត្រូនិចដូចជា៖ កង្ហារ តូទឹកកក ម៉ាស៊ីនបោកខោអាវជាដើម ។

លោកបន្តថា ការរបេះផ្ទាំងកញ្ចក់នោះគឺបណ្តាលមកពីជាងបិតមិនជាប់ហេតុដូចនេះទើបធ្វើឲ្យរបេះធ្លាក់មកក្រោមធ្វើឲ្យដំបូលយ៉ាបពីមុខខូចខាតបន្តិចបន្តួច រីឯកញ្ចក់បែកម៉ាតដូចគ្រាប់គ្រួសរាយប៉ាយពេញផ្លូវតែម្តងមិនបណ្តាលឲ្យអ្នកដទៃរងរបួសឡើយ ។ សកម្មភាពនេះគេមិនបានឃើញសមត្ថកិច្ចមូលដ្ឋានចុះមកសួរនាំនោះឡើយ ៕

ដោយ៖ អ៊ុចសាវុទ្ធ