ខេត្តសៀមរាប៖ ឃាតក ឈ្មោះឈន់ ឆេន អាយុ១៨ឆ្នាំរស់នៅភូមិ គោកដូងថ្មី ឃុំគោកដូង ស្រុកអង្កជុំ  ដែលបានកាប់សម្លាប់ទៅលើមនុស្ស៣នាក់ បណ្ដាលឲ្យស្លាប់នោះបានរត់រួចពីគុកហើយ កាលពីរវេលាម៉ោង៥ទៀបភ្លឺយប់មិញនេះថ្ងៃទី៤ ខែមករា ឆ្នាំ២០១៦ បន្ទាប់ពីសមត្ថកិច្ច​ ស្រុកអង្គរជុំ បានបញ្ជូនមកដល់ស្នងការខេត្តសៀមរាប ហើយធ្វើសន្និសិទកាសែត កាលពីររសៀល ថ្ងៃទី៣មករាឆ្នាំ២០១៥ ។

លោកឧត្តមសេនីយ៍ត្រីថង សាគុណស្នងការរងខេត្តសៀមរាប ទទួលបន្ទុកផែនកណ្ដាល យុត្តធ៌បានឲ្យដឹងនៅម៉ោង១០ និង៥១នាទីព្រឹកថ្ងៃច័ន្ទនេះពិតជាមានករណីឃាតកដែលសម្លាប់មនុស្ស៣នាក់រត់បាត់មែនគឺបានរត់នៅម៉ោង៥ជិតភ្លឺដោយសារតែថ្ងៃច័ន្ទត្រូវគោរពរទង់ជាតិតែរហូតមកដល់ពេលនេះសមត្ថកិច្ចកំពុងតាមប្រម៉ាញ់ចាប់មកវិញ ចំណែកអ្នកទទួលមើលការខុសត្រូវអាចប្រឈមនឹងការពិន័យ ។

បើយោងតាមអធិការស្រុកអង្គរជុំបានឲ្យដឹងថា នេះឃាតកម្មគិតទុកមុនកើតឡើងនៅចំណុច​ ក្នុងព្រៃផ្លូវទៅចំការ ខាងកើតភូមិគោកភ្នៅ ឃុំគោកដូង ចម្ងាយប្រមាណ ១៥គីឡួម៉ែត្រ ជនរងគ្រោះស្លាប់ទាំង៣នាក់ដែលមានឈ្មោះ ទី១. អ៊ាង សួយ ភេទប្រុស អាយុ ៨ឆ្នាំ នៅភូមិ គោកដូងថ្មី ឃុំគោកដូង​ ទី២.ឈ្មោះ មាឌ យ៉ា ភេទប្រុស អាយុ ១៣ឆ្នាំ និងទី៣.ឈ្មោះមិចកញ្ញា ហៅក្អាត់ ភេទប្រុស នៅភូមិគោកត្របែក ឃុំគោកដូង ស្រុកអង្គរជុំ ខេត្តសៀមរាប ចំណែកជនដៃដល់បានស្ទាក់កាប់ទៅលើជនរងគ្រោះ ៣នាក់ ជិះម៉ូតូ១គ្រឿងម៉ាកហុងដា ស៊េរីឆ្នាំ ២០១១ ពណ៌ខ្មៅ ពាក់ស្លាកលេខ ប៉ៃលិន 1A-6878 ខណ់ៈពេលកំពុងជិះទៅលេងខ្ទមចំការសង្សាររបស់ខ្លួន ៕

ដោយ៖ ប៊ុន រិទ្ធី​