ខេត្ដបាត់ដំបង៖ ជនសង្ស័យជួញដូរ គ្រឿងញៀន២នាក់ ត្រូវបានកម្លាំងជំនាញ ការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្ដបាត់ដំបងបញ្ជូនឡើង តុលាការនៅព្រឹកថ្ងៃទី៤ ខែមករា ឆ្នាំ ២០១៦ ក្រោយពីបានឃាត់ខ្លួន នៅចំណុច ក្រុមទី៣៨ ភូមិ១៣មករា សង្កាត់ព្រែក ព្រះស្ដេច ក្រុងបាត់ដំបង កាលពីវេលា ម៉ោង៥និង៣០នាទីល្ងាច ថ្ងៃទី៣ ខែមករា ឆ្នាំ២០១៦ ។
ប្រភពព័ត៌មានពីមន្ដ្រីនគរបាលបានឱ្យដឹងថា ជនសង្ស័យដែលត្រូវបានឃាត់ ខ្លួនទាំង២នាក់ ទី១-មានឈ្មោះ អ៊ឹង ផានិត ហៅឃ្លិត ភេទប្រុស អាយុ២៥ឆ្នាំ មាន ទីលំនៅចំណុចកើតហេតុ (ជនសង្ស័យរូប នេះទើបតែចេញពីពន្ធនាគារបានប្រហែល១ខែ ពាក់ព័ន្ធករណីជួញដូរគ្រឿងញៀនដូច គ្នា) និងជនសង្ស័យទី២-ឈ្មោះអ៊ី ម៉ាលីគី ភេទប្រុស អាយុ២៦ឆ្នាំ រស់នៅភូមិសូភី២ សង្កាត់រតន ក្រុងបាត់ដំបង ។
ប្រភពបានបន្ដថា ការឃាត់ខ្លួនជន សង្ស័យទាំង២នាក់ខាងលើនេះ គឺដោយ សមត្ថកិច្ចជំនាញបានតាមដានជនសង្ស័យ អស់រយៈពេលជាយូរមកហើយ។ លុះដល់ រសៀលថ្ងៃទី៣ ខែមករា ឆ្នាំ២០១៦ ក៏បាន ដឹងថា ជនសង្ស័យបានធ្វើសកម្មភាពជួញ ដូរគ្រឿងញៀន ក៏បានឃាត់ខ្លួនទាំង២នាក់ រួមនឹងវត្ថុតាងបទល្មើសរឹបអូសបានរួម មាន ថ្នាំញៀនប្រភេទម៉ាទឹកកក២០កូន ថង់តូច ថ្នាំញៀនប្រភេទ WY ចំនួន៩៩៥ គ្រាប់ ជញ្ជីងថ្លឹង១ ម៉ូតូ១គ្រឿង រួមទាំង សម្ភារជក់ថ្នាំញៀនមួយចំនួនទៀត ៕
ដោយ៖ សហការី
