ខេត្ដឧត្ដរមានជ័យ៖ យុវជន២នាក់ជិះ ម៉ូតូឌុបគ្នាក្នុងល្បឿនលឿនដល់ផ្លូវកោង កាច់ចង្កូតមិនទាន់ជ្រុលធ្លាក់ប្រឡាយបាក់ កស្លាប់ទាំង២នាក់ កាលពីវេលាម៉ោង១ អធ្រាត្រ ឈានចូលថ្ងៃទី៤ ខែមករា ឆ្នាំ ២០១៦ ស្ថិតនៅក្នុងភូមិទូលស្វាយ ឃុំ ត្រញំងតាវ ស្រុកអន្លង់វែង ដែលករណី នេះ សមត្ថកិច្ចនគរបាលសង្ស័យថា ទំនង ជាចេញពីកន្លែងផឹកស៊ីណាមួយស្រវឹង។
ប្រភពពីមន្ដ្រីនគរបាលឃុំត្រញំងតាវបានឱ្យដឹងថា ជនរងគ្រោះទាំង២នាក់ម្នាក់ មានឈ្មោះ ទូច ប្រុស អាយុ២៩ឆ្នាំ រស់ នៅភូមិនិគមក្រោម ឃុំឫស្សីក្រាំង ស្រុក ម៉ោងឫស្សី ខេត្ដបាត់ដំបង និងម្នាក់ទៀត នៅមិនទាន់ស្គាល់អត្ដញ្ញាណនៅឡើយ (ជាអ្នកបើកបរ)។
ប្រភពដដែលបានបន្ដឱ្យដឹងថា មុន ពេលកើតហេតុជនរងគ្រោះ បានជិះម៉ូតូ ម៉ាកហុងដាសេ១២៥ ស៊េរីឆ្នាំ២០០៥ ពណ៌ខ្មៅ ពាក់ស្លាកលេខបន្ទាយមានជ័យ ១B-០៤៩៩ ឌុបគ្នា២នាក់ក្នុងគោល ដៅពីទិសខាងជើងទៅទិសខាងត្បូង។ លុះ មកដល់ចំណុចកើតហេតុ ប្រហែលដោយ សារតែស្រវឹងស្រា ទើបបណ្ដាលឱ្យជ្រុល ចង្កូតធ្លាក់ចូលប្រឡាយបាក់កស្លាប់ភ្លាមៗ នៅនឹងកន្លែងតែម្ដង។
ក្រោយកើតហេតុសមត្ថកិច្ចជំនាញក៏បានចុះដល់កន្លែងកើតហេតុ និងបាន ពិនិត្យទីតាំងកើតហេតុ រួចប្រគល់សពឱ្យ ក្រុមគ្រួសារដើម្បីរៀបចំធ្វើបុណ្យតាម ប្រពៃណី៕
ដោយ៖ សហការី
