ក្រុងប៉ោយប៉ែត៖ អ្នកលេងល្បែង ភ្នាល់ប្រដាល់៤៨នាក់ដែលភ្នាល់ដាក់ លុយហើយបានស្រែកហ៊ោកញ្ជ្រៀវរំខានដំណេករបស់ប្រជាជនពេលថ្ងៃត្រូវកម្លាំង ស្នងការដ្ឋានខេត្ដសហការណ៍ជាមួយ កម្លាំងនគរបាលក្រុងប៉ោយប៉ែតឃាត់ ខ្លួនហៅសួរនាំកាលពីរសៀលថ្ងៃទី៣ ខែ មករា ឆ្នាំ២០១៥ នៅខាងក្រោយអតីត អង្គការជួយស្ដ្រីមានវិបត្ដិកម្ពុជា ស្ថិតក្នុង ភូមិបាលិលេយ្យ១ សង្កាត់-ក្រុងប៉ោយ ប៉ែតខេត្ដបន្ទាយមានជ័យ ។
ទីតាំងដែលលេងភ្នាល់ប្រដាល់ដែល ត្រូវកម្លាំងសមត្ថកិច្ចចុះបង្ក្រាបនោះមាន ម្ចាស់ផ្ទះឈ្មោះតាំង លី ភេទប្រុស អាយុ ៤៧ឆ្នាំ រស់នៅក្នុងភូមិកើតហេតុ ។ ក្នុងនោះសមត្ថកិច្ចបានឃាត់ខ្លួនអ្នកល្បែងភ្នាល់ប្រដាល់ចាក់លុយមានចំនួន៤៧នាក់ និងម៉ូតូ១៨គ្រឿង។
ប្រភពឱ្យថា ទីតាំងបើកភ្នាល់ប្រដាល់ នៅចំណុចខាងលើនេះតែងបើកលេង ភ្នាល់រៀងរាល់ថ្ងៃសៅរ៍-អាទិត្យ ហើយ គេតែងឃើញមានអ្នកលេងជាច្រើនមកជួបជុំគ្នាដើម្បីចាក់ភ្នាល់ប្រដាល់ដោយចាក់លុយរាប់ម៉ឺនលុយរៀល និងហ៊ោ កញ្ជ្រៀវកងរំពងធ្វើឱ្យរំខានដំណេកអ្នក ជិតខាងពេលថ្ងៃនិងធ្វើឧ្យរំខានមន្ដ្រីរាជ ករានៅក្បែរនោះទៀងផង ។ មិនតែ ប៉ុណ្ណោះទីតាំងខាងលើបានលេងជាយូរឆ្នាំមកហើយដោយមានការដាក់ភ្នាល់ជា ដោយចំនួនលុយជាច្រើន តែមិនដែល មានការបង្ក្រាបនោះទេ ទើបតែពេល នេះឃើញមានកម្លាំងស្នងការខេត្ដចុះ ធ្វើអន្ដរាគមន៍។
ដោយឡែកលោកម៉ុល សុភេទ នាយ ការិយាល័យព្រហ្មទណ្ឌកម្រិតស្រាលនៃស្នងការខេត្ដបន្ទាយមានជ័យបានបញ្ជាក់ ថា ចំពោះអ្នកលេងល្បែងកីឡាប្រដាល់ ដែលកម្លាំងសមត្ថកិច្ចហៅទៅអប់រំ នៅចំណុចខាងលើនោះទាំងម្ចាស់ផ្ទះទាំងអ្នកលេងគឺលោកបានឱ្យធ្វើកិច្ចសន្យា បញ្ឈប់លេងភ្នាល់តទៅទៀត។
លោកបញ្ជាក់ទៀតថា ក្រោយពីធ្វើ កំណត់ហេតុរួចរាល់លោកក៏បានអនុញ្ញាត ឱ្យវិលទៅផ្ទះវិញ។ ចំណែកម៉ូតូទាំងអស់ ក៏ប្រគល់ឧ្យម្ចាស់គេវិញដែរហើយបើនៅ តែបន្ដលោកនឹងចាត់ការតាមច្បាប់ ៕
ដោយ៖ វណ្ណា
