ខេត្តបន្ទាយមានជ័យ៖ បុរសជនជាតិម្នាក់ធ្លាក់ពីលើអគារកំពស់៦ជាន់ស្លាប់ នៅក្នុងបវិវេណកាស៊ីណូហូលីដេ​ផាលេស កាលពីវេលាម៉ោង៧ និង៣០នាទី នៅថ្ងៃទី២៣ ខែធ្នូ ឆ្នាំ២០១៩ ភូមិ.សង្កាត់ប៉ោយប៉ែត ក្រុងប៉ោយប៉ែត។

សមត្ថកិច្ចបានឲ្យដឹងថា ជនរងគ្រោះដែលបាត់បង់ជីវិត ឈ្មោះ LIU WANJUN ភេទប្រុស អាយុ៣១ឆ្នាំ មុខ​របរជាងសំណង់ មានស្រុកកំណើត នៅខេត្តហ៊ីណានប្រទេសចិន បានធ្លាក់ពីលើអាគារជាន់ទី៦ដែលកំពុង​សាងសង់ខណៈដែលជនរងគ្រោះកំពុងបំពេញការងារ នៅក្នុងបរិវេណក្រុមហ៊ុនកាស៊ីណូ ហូលីដេផាលេស បណ្តាលឲ្យបែកក្បាល និងបោកដងខ្លួនស្លាប់ភ្លាមៗនៅកន្លែងកើតហេតុតែម្តង។
សពជនរងគ្រោះកាន់លិខិតឆ្លងដែនលេខEG0391825 ចុះថ្ងៃទី18/4/2019 ផុតកំណត់ថ្ងៃទី17/4/2029។ វីសាចុះថ្ងៃទី25/11/2019ផុតថ្ងៃទី26/5/2020។

សពយកមកតំកល់ទុកនៅមន្ទីរពេទ្យបង្អែកក្រុងប៉ោយប៉ែត២ និងកំពុងស្នើរសុំបង្កើតគណកម្មការត្រួតពិនិត្យកន្លែងកើតហេតុ និង ពិនិត្យសាកសព៕