ភ្នំពេញ៖ ព្រះសង្ឃនិងពលរដ្ឋនៅខណ្ឌ៧មករា ស្នើសុំឲ្យអាជ្ញាធរជួយ ដោះស្រាយរឿងអ្នកបើកអាជីវកម្ម
ធ្វើមាស អ្នកចាញ់ថ្នាំរថយន្ដ ជួយរុះរើតូបលក់ការ សែត នៅជុំវិញវត្ដសំពៅមាស និងគំនរសំរាមនៅជុំ វិញផ្សារអូឬស្សី ។ ប្រជាពលរដ្ឋបានស្នើសុំអាជ្ញាធរ បែបនេះ នៅក្នុងវេទិការសាធារណៈ ពិគ្រោះយោបល់ របស់ក្រុមប្រឹក្សារាជធានីភ្នំពេញ នៅខណ្ឌ៧មករា កាលពីរសៀលថ្ងៃទី២៤ ខែធ្នូ ឆ្នាំ២០១៩នៅពហុកី ឡាដ្ឋានជាតិអូឡាំពិក ។
លោក អ៊ំ សាង ដាហ៊ីម រស់នៅសង្កាត់បឹងប្រលឹត
បានស្នើសុំឲ្យអាជ្ញាធរ ក្រុង ខណ្ឌ ជួយពន្លឿនការស្នើ សុំផ្ទេសិទ្ធិប្រថាប់ត្រា កុំឲ្យយូពេក កន្លងមកនេះលោកទៅផ្ទេសិទ្ធិ សង្កាត់ខណ្ឌ ពន្ធដាខណ្ឌ រាប់ខែមិនាទាន់បានទៀត ដោយឡែករឿងបង់ប្រាក់លោកមិនប្រកែកទេ ប៉ុន្មានក៏លោកព្រមបង់ដែរ តែឲ្យបានលឿនបានហើយ ។
លោក ប៉ា សុជាតិវង្ស ប្រធានក្រុមប្រឹក្សា រាជធានីភ្នំពេញ បានបញ្ជាក់ថា៖ ក្នុងនាមក្រុមប្រឹក្សារាជធានីភ្នំពេញ និងក្នុងនាមរដ្ឋបាលរាជធានីភ្នំពេញ ខ្ញុំសូមធានាថានឹងយកសំណើ សំណូមពរលាយលក្ខណ៍អក្សរទាំងអស់ ដែលនៅសល់ទៅដាក់ជូនគណៈអភិបាលរាជធានីភ្នំពេញ ដើម្បីពិនិត្យ និងដោះស្រាយជូនព្រម ទាំងផ្តល់នូវព័ត៌មានត្រឡប់ជូនដល់អស់ លោក លោកស្រីវិញតាមរយៈក្រុមប្រឹក្សាខណ្ឌ ក្រុមប្រឹក្សាសង្កាត់នូវលទ្ធផលនៃការដោះស្រាយជូនទាំងលទ្ធផលជាវិជ្ជមាន ឬអវិជ្ជមានក្តី ដោយមាន បញ្ជាក់ពីមូលហេតុច្បាស់លាស់ ជូនជ្រាបនៅពេលក្រោយ ឬនៅពេលវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ នៅ
តាមខណ្ឌទាំង១៤ ត្រូវបានបញ្ចប់។
លោក បានបន្ដថា៖រាល់សំនួរ សំណើ និងសំណូម ពររបស់អស់លោក លោកស្រីទៅពិនិត្យ និងពិចារណា ព្រមទាំងចាត់អាទិភាពដាក់បញ្ចូលទៅក្នុងគម្រោងកម្មវិធីវិនិយោគបីឆ្នាំរំកិលរបស់ក្រុមប្រឹក្សា រាជធានី ក្រុមប្រឹក្សាខណ្ឌ ក្រុមប្រឹក្សាសង្កាត់ ដើម្បីធានាដល់ការផ្តល់សេវាសាធារណៈឱ្យបានកាន់តែប្រសើរឡើង និងលើកកម្ពស់គុណភាពជីវភាព រស់នៅរបស់បងប្អូនប្រជាពលរដ្ឋក្នុង សង្កាត់ ខណ្ឌនៃរាជធានី ឱ្យកាន់តែមានតម្លាភាព និងប្រសិទ្ធភាព។
លោកស្រី កែវ សុខពិសី អភិបាលរងរាជធានីភ្នំពេញ បានបញ្ជាក់ថា៖ លើសពីនេះទៅទៀត រដ្ឋបាលរាជធានីភ្នំពេញនឹងកែលម្អ ការផ្តល់សេវាសាធារណៈរបស់ខ្លួនក្នុងកំណែទម្រង់មួយដ៏ស៊ីជម្រៅ និងជាក់លាក់ ប្រកប ដោយប្រសិទ្ធភាព និងតម្លាភាពដែលអាចឆ្លើយតបបានទៅនឹងតម្រូវការរបស់ប្រជាពលរដ្ឋ ជាក់ស្តែងនៅសាលារាជធានីភ្នំពេញ ក៏ដូចជានៅតាមសាលាខណ្ឌទាំង១៤ គឺ យើងបានបង្កើតច្រកចេញ ចូលតែមួយ និងការិយា ល័យរបស់ប្រជាពលរដ្ឋ ដែលអាចបម្រើសេវាជូនប្រជាពលរដ្ឋបានទាន់ចិត្តព្រមទាំងអាចកាត់បន្ថយភាពក្រីក្រនៅមូលដ្ឋានក្នុងរយៈពេលដ៏ខ្លីខាងមុខនេះ ៕
ដោយ៖ សំរិត
