ខេត្តកំពង់ធំ៖ បុរសវ័យចំណាស់ម្នាក់ឈ្មោះ ហ៊ូន់ ហ៊ន់ អាយុ៦២ឆ្នាំ រស់នៅភូមិបឹងលៀស សង្កាត់អូរកន្ធោក្រុងស្ទឹងសែនខេត្តកំពង់ធំបានដេកស្លាប់នៅខាងមុខខ្ទមរបស់ខ្លួនដោយគ្មាននរណាម្នាក់បានដឹងឡើយ កាលពីយប់ថ្ងៃទី៤ ខែមករា ឆ្នាំ២០១៦ លុះព្រឹកឡើងស្រាប់តែប្រទះឃើញដេកស្លាប់នៅមុខខ្ទមតែម្ដង ។
បើតាមប្រភពព័ត៌មានពីប្រជាពលរដ្ឋបានប្រាប់ថា កាលពីម្សិលមិញជនរងគ្រោះបានរកអ្នកភូមិជាមួយដើម្បីអោយជូនគាត់ទៅពេទ្យព្រោះគាត់មានអាការះមិនស្រួលដោយមានឈាមចេញតាមមាត់ផង និងគូទផងតែពុំបានជូនទៅទេព្រោះគ្មានអីជិះ លុះព្រឹកឡើងប្រទះឃើញដេកស្លាប់តែម្ដង ។
ប្រភពបានបន្ដថាជនរងគ្រោះតែងតែផឹកស្រាសជាប្រចាំពុំដែលខានទេហើយមិនសូវហូបបាយទេ គាត់មានកូន៥នាក់តែបានប្ដីប្រពន្ធ និងខ្លះធ្វើការនៅឆ្ងាយ ពុំសូវមានទំនាក់ទំនង់ និងប្រពន្ធកូនទេរស់នៅម្នាក់អែង ក្រោយពីចុះចោលប្រពន្ធអស់រយៈពេល១៦ឆ្នាំមកហើយដោយសារប្រពន្ធមានជំងឺរាំរៃហើយទើបតែស្លាប់រយៈពេលជាង២ខែមុននេះតែប៉ុណ្ណោះ ។
ក្រោយពីសមត្ថកិច្ចធ្វើកុសលវិច្ច័យ ដោយមានការចូលរួមពីលោកចៅសង្កាត់ លោកមេភូមិ មេប៉ុស្ដិអធិការងក្រុងស្ទឹងសែននិងប្រជាពលរដ្នរួចមកបានសន្និដ្ឋានថាដោយសារគាត់មានជំងឺប្រចាំកាយផងផឹកស្រាសជាប្រចាំមិនហូបបាយធ្វើអោយគាត់ខ្យល់គដួលស្លាប់តែម្ដង ព្រោះតាមការពិនិត្យពុំមានស្លាក់ស្នាមអ្វីទាំងអស់ ។
ក្រោយមកសមត្ថកិច្ចប្រគល់សាសពអោយសាច់ញាតិក្រុមគ្រួសារ ដើម្បីចាត់ធ្វើបុណ្យនៅវត្ត ពៅពិសី នៅក្នុងភូមិនិងតែម្ដង ៕
ដោយ៖ ប៊ុនរិទ្ធី
...
