ភ្នំពេញ៖ បុរសជាមន្ត្រីយោធាម្នាក់ស្រវឹងស្រាជោគជាំ បើករថយន្តលឿនបានរេចង្កូតទៅបុកតូបអ្នកលក់អីវ៉ាន់លើចញ្ចើមផ្លូវបណ្ដាលឲ្យរងការខូចខាត តែសំណាងល្អមិនបង្កឲ្យអ្នករងរបួស ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង ២ រំលងអាធ្រាត ឈានចូលថ្ងៃទី៦ ខែមករា ឆ្នាំ២០១៦ តាមបណ្ដោយផ្លូវព្រះមុន្នីវង្ស ស្ថិតក្នុងសង្កាត់ផ្សារដើមថ្កូវ ខណ្ឌចំការមន។
បើតាមសម្ដីម្ចាស់តូបរងគ្រោះបានប្រាប់ឲ្យដឹងថា មុនពេលកើតហេតុគាត់ឃើញរថយន្តបង្កម៉ាក កាមរី ពណ៌ខ្មៅ ពាក់ស្លាកលេខភ្នំពេញ2A.6120 ដែលបើកបរដោយបុរសម្នាក់ដែលគេដឹងថាជាមន្ត្រីយោធា ផឹកស្រាស្រវឹងបើករថយន្តលឿនតាមបណ្ដោយផ្លូវព្រះមុន្នីវង្ស ទិសដៅពីលិចទៅកើត ខណះមកដល់ចណុចកើតហេតុ ក៏បានរេចង្កូតទៅបុកតូបអ្នកលក់អីវ៉ាន់ លើចញ្ចើមផ្លូវបណ្ដាលឲ្យងាវកំពប់ពេញដី រងការខូចខាត តែសំណាងល្អមិនបណ្ដាលឲ្យនរណាម្នាក់រងរបួសនោះទេ។
ក្រោយពេលកើតហេតុម្ចាស់រថយន្តបង្កនិងម្ចាស់តូបរងគ្រោះបានធ្វើការចរចារគ្នាដោយការចចានោះវាយូរនិងមិនត្រូវរូវគ្នា ទើបខាងសមត្ថកិច្ចមូលដ្ឋានទំនាក់ទំនងជំនាញមកវាស់វែងយករថយន្តបង្កទៅរក្សាទុកនៅអធិការដ្ឋាននគរបាលខណ្ឌចំការមនរង់ចាំដោះស្រាយគ្នាពេលក្រោយ ៕
ដោយ៖ ភារ៉ា ដង្កោ
