ខេតព្រះសីហនុ៖ មុខសញ្ញាប្រើប្រាស់គ្រឿងញៀនម្នាក់ ត្រូវកំលាំងប៉ុស្តិ៍រដ្ឋបាលសង្កាត់លេខ០៤សហការណ៏ជាមួយកំលាំងការិយាល័យប្រឆាំងបទល្មើសគ្រឿងញៀននិងកំលាំងប្រជាការពារភូមិ០៤ ធ្វើការឃាត់ខ្លួនបានកាលពីវេលាម៉ោង២០យប់ថ្ងៃទី០៦ ខែមករា ឆ្នាំ២០១៦ត្រង់ចំនុចក្រុមទី១៦ភូមិ១ (ភូមិដូង) សង្កាត់លេខ៤ ។
យោងតាមការអោយដឹងពីលោកវរៈសេនីយ៍ត្រី អ៊ុក សុផាណារិទ្ឋ អធិការរងទទួលបន្ទុកព្រហ្មទណ្ឌបានអោយដឹងថា ខណះពេលកំលាំងប៉ុស្តិ៍រដ្ឋបាលសង្កាត់ចុះធ្វើការល្បាត តាមគោលដៅសំខាន់ៗបានជួបប្រទះក្រុមប្រើប្រាស់គ្រឿងញៀនមួយក្រុមមានគ្នាចំនួន០២នាក់ ខណះពេលនោះសមត្ថកិច្ចធ្វើការបង្ក្រាបប៉ុន្តែដោយស្ថានភាពងងឹត និងភូមិសាស្ត្រស្មុកស្មាញ ជនសង្ស័យម្នាក់បានរត់ចូលព្រៃ គេចខ្លួនបាត់ជាក់ស្តែងសមត្ថកិច្ចឃាត់ខ្លួនបានម្នាក់ រួមជាមួយវត្ថុប្រើប្រាស់គ្រឿងញៀន និងដេកបុកសោរម៉ូតូចំនួន០១ នៅក្នុងខ្លួនជនសង្ស័យ ។
ជនសង្ស័យដែលបានឃាត់ខ្លួននេះមានឈ្មោះ ងូវ ភា ហៅតោ ភេទប្រុស អាយុ៤០ឆ្នាំ មុខរបរកម្មករ មានទីលំនៅភូមិ៣ សង្កាត់លេខ៣ ក្រុងព្រះសីហនុ ។
បច្ចុប្បន្នជនសង្ស័យកំពុងត្រូវបានកំលាំងសមត្ថកិច្ច កសាងសំណុំរឿងបញ្ជូន ទៅកាន់ស្នងការដ្ឋាននគរបាលខេត្តព្រះសីហនុ ៕
ដោយ៖ ឆ្លាម សមុទ្រ
