ភ្នំពេញ៖ នៅវេលាម៉ោង១៥រសៀលថ្ងៃទី៨ ខែមករា ឆ្នាំ២០១៥នេះ កម្លាំងអធិការដ្ឋាននគរបាលខណ្ឌសែនសុខ បានចុះបង្ក្រាបទីតាំងសង្ស័យ ជួញដូរ ចែកចាយ និងប្រើប្រាស់គ្រឿងញៀន ស្ថិតនៅក្រុមទី១០-១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ជាលទ្ធផលឃាត់ខ្លួនបានជនសង្ស័យ ចំនួន១៨នាក់ ។

សមត្ថកិច្ចដកហូតរួមមាន ថ្នាំញៀនចំនួន ១កញ្ចប់ធំ, ៣កូនថង់តូច, ជញ្ចីងថ្លឹងថ្នាំញៀនចំនួន ១, អត្តសញ្ញាណប័ណ្ណ ១១សន្លឹក, ប័ណ្ណសំគាល់យានយន្ត ៥សន្លឹក និងឧបករណ៍សម្រាប់ជក់គ្រឿងញៀនមួយចំនួន ។

បច្ចុប្បន្នជនសង្ស័យទាំង១៨នាក់ កំពុងធ្វើការសាកសួរបន្ថែមនៅអធិការដ្ឋាននគរបាលខណ្ឌសែនសុខចាត់ការតាមនិតិវិធី ៕

ដោយ៖ តុង សីហា