បុរសវ័យក្មេងជាម្ចាស់ Skyline ឈ្មោះ “ភឿក” នៅខេត្ដព្រះសីហនុត្រូវបាន ក្រុមយុវជនវ័យក្មេង ភាគច្រើនអ្នកនិយមចូលចិត្ដសប្បាយ ហ៊ឺហា ផឹកស៊ីស្រីញី អូនបង សេពថ្នាំញៀន និងក្រុមញៀនល្បែងស៊ីសងចាត់ទុកថា ម្ចាស់បាររូបនេះពិត ជាមានឥទ្ធិពលយ៉ាងធំធេង សម្រាប់ការផ្ដល់ទីតាំងឱ្យក្រុមយុវជនមួយចំនួន ចូល សេពថ្នាំញៀន ចែកចាយ និងល្បែងស៊ីសងយ៉ាងពេញទំហឹងក្នុងក្រុងព្រះសីហនុ ។
ម្ចាស់ Skyline មិនត្រឹមតែបង្កប់ការប្រើប្រភេទថ្នាំញៀននៅក្នុងទីតាំងរបស់ ខ្លួន (ថ្នាំគ្រវីក្បាល) ដើម្បីពង្វក់ស្មារតីយុវជនប៉ុណ្ណោះទេ បុគ្គលរូបនេះបានបង្កើត នូវទីតាំងល្បែងហ្គេមបាញ់ត្រី ជាច្រើនកន្លែងទៀត ក្នុងនោះក៏មានប្រភពនៃក្រុម ក្មេងៗប្រើប្រាស់ថ្នាំញៀន និងជនដែលគេសង្ស័យថា អាចឈានដល់ប្រព្រឹត្ដបទល្មើស ក្នុងសង្គម ក៏សម្ងំក្នុងទីតាំងកន្លែងហ្គេមបាញ់ត្រីរបស់ម្ចាស់ Skyline នេះផងដែរ ។
ជាទូទៅឈ្មោះរបស់ម្ចាស់បារ Skyline ល្បីសុះសាយក្នុងក្រុងព្រះសីហនុ ដែល សមត្ថកិច្ចអាចដាក់ភាពសង្ស័យថា គាត់កំពុងប្រកបអាជីវកម្មអ្វីខ្លះដែលផ្ទុយពី ច្បាប់ ប៉ុន្ដែអាជ្ញាធរ និងសមត្ថកិច្ចខ្លះអាចដឹង តែសម្លឹងឃើញផលប្រយោជន៍ខ្ពស់ ជាងឆន្ទះក្នុងការបង្ក្រាប ។
ម្ចាស់បារ Skyline ក៏ធ្លាប់យកឈ្មោះថ្នាក់ដឹកនាំ ដើម្បីការពារ និងពង្រឹងទីតាំង រកស៊ីរបស់ខ្លួន បង្កឱ្យមានបញ្ហាព្រួយបារម្ភថា ទីតាំងរបស់គេទាំងកន្លែងហ្គេមបាញ់ ត្រីបង្កប់ល្បែងស៊ីសងផង កន្លែងសេពថ្នាំញៀនផង ឬក៏ឈានដល់ទីតាំងចែកចាយ ថ្នាំញៀនក៏ថាបាន ។ ដោយឡែកបារ Skyline ប្រភពនៃការប្រើថ្នាំគ្រវីក្បាលដើម្បី ពង្វក់ក្រុមយុវជនឱ្យសប្បាយ ភ្លើតភ្លើន ភ្លេចខ្ល្ញួន ញៀន ងប់ងុល ឬក៏ភ្លេចបាយ ភ្លេចទឹក ភ្លេចសាលារៀន ក្បត់ទំនុកចិត្ដឪពុកម្ដាយ អាណាព្យាបាលនោះផងដែរ ។
ប្រជាពលរដ្ឋសំណូមពរឱ្យអាជ្ញាធរក្រុងព្រះសីហនុ គួរមានវិធានការណ៍ចុះរដ្ឋបាល ឱ្យបានញឹកញាប់ទៅលើទីតាំងបារ Skyline កន្លែងហ្គេមបាញ់ត្រីរបស់ឈ្មោះ ភឿក រូបនេះ ក៏ដូចជាទីតាំងផ្សេងៗជាច្រើនទៀត ដើម្បីបម្រើឱ្យសន្ដិសុខ សុវត្ថិភាព សណ្ដាប់ធ្នាប់ដល់ការរស់នៅរបស់ប្រជាពលរដ្ឋ គេចផុតពីថ្នាំញៀន អំពើឆក់ប្លន់ កាប់សម្លាប់ជាដើម…៕
