ខេត្តកំពង់ធំ៖ មានគ្រោះថ្នាក់ចរាចរណ៍រវាងរថយន្ដកូរ៉េពណ៍ខៀវ ពាក់ស្លាកលេខព្រះសីហនុ​ 2A-2003បុកនិងកាមរីCOROLA ពណ៍ស ពាក់ស្លាកលេខភ្នំពេញ1Y-8447​ ធ្វើអោយខូចខាត់រថយន្ដទាំងសងខាង ​កាលពីព្រឹកព្រលឹមថ្ងៃទី៩ ខែមករា ឆ្នាំ២០១៦នៅចំណុចទល់មុខ សណ្ឋាគារអរុណរះ ក្រុងស្ទឹងសែន ​ខេត្តកំពង់ធំ​ ។​

ប្រភពព័តមានពីប្រជាពលរដ្ឋបានអោយដឹងថា​ ពេលដែលរថយន្ដកូរ៉េបើកជិតមកដល់កន្លែងកើតហេតុ ស្រាប់តែរថយន្ដCOROLAបង្ខំបើកសំរុកឆ្លងថ្នល់ លុះរថយន្ដកូរ៉េចាប់ហ្វ្រាំងមិនទាន់ក៏បុកចំពាក់កណ្ដាលរថយន្ដកាមរីតែម្ដង ធ្វើអោយកំប៉ិតទ្វារខាងស្ដាំយ៉ាងដំណំ​ ចំណែករថយន្ដកូរ៉េបែកចង្កៀងខាងស្ដាំ និងខូចខាតតិចតួច​ម្ចាស់រថយន្ដទាំង២ខឹង ប្រកែកគ្នាតឹងសសៃក លើកយកហេតុផលរាងៗខ្លួនបម្រុងបញ្ចេញក្បាច់គុណដាក់គ្នាទៅហើយ ទើបផ្អើលដល់អ្នកធ្វើដំណើរ និងសមត្ថកិច្ចមកជួយសម្រួល​​ ទើបស្ងប់អារម្មណ៍ ។

ក្រោយមកដោយខឹងខ្លាំងពេកមិនបាន ភាគីទាំងសងខាងមិនបានបញ្ចាក់ប្រាប់ឈ្មោះ អោយអ្នកសារពត័មាននោះទេ​ មួយសន្ទុះក្រោយមកទើប​ព្រមដោះស្រាយគ្នាតាមសន្ដិវិធី​ ដោយអោយខាងរថយន្ដកូរ៉េសងសំណង់ទៅរថយន្ដការីជាការបញ្ចប់រឿង ​៕

ដោយ៖ ប៊ុន រិទ្ធី​